Agaasimaha SONNA oo hambalyo ku aaddan sannad guuradii 57-aad u diray shaqaalaha wakaaladda iyo shacabka Soomaaliyeed

Agaasimaha wakaaladda wararka Qaranka Soomaaliyeed ee (SONNA) Mudane, Cali Cabdulqaadir Cali ayaa hambalyo u diray dhammaan shaqaalaha wakaaladda oo maanta u dabbaal degaya munaasabadda sannad guuradii 57-aad ee kasoo wareegatay markii la aas aasay wakaaladda,isagoo shacabka Soomaaliyeed uga mahadceliyay farriimaha hambalyada ee ay lasoo wadaageen.

“Anigoo ku hadlaya magaca maamulka Wakaaladda Wararka Qaranka Soomaaliyeed ee (SONNA) Waxaan Hambalyo iyo bogaadin u dirayaa dhamaan shaqaalaha Wakaaladda Wararka ee(SONNA) oo maanta u dabbaal degaya sanad-guuradii 57-aad ee ka soo wareegatay markii la aas aasey Wakaaladda Wararka Qaranak 5,Januray maanta oo kale 1964tii. Bulshada kale ee farxdadda nala wadaagaysa waxaan leeyahay waad ku mahadsantihiin hambalyadiina iyo bogaadintiina, ayuu yiri agaasimaha wakaaladda SONNA.

Agaasime Cali Cabdulqaadir Cali ayaa madaxdii iyo shaqaalihii hore u soo marty wakaaladda ee geeriyooday ku tilmaamay halyeeyo usoo adeegay dalkooda, isagoo Alle uga baryay inuu naxariistiisa siiyo wuxuuna kuwa nool u rajeeyay camal wanaagsan iyo Alle ka cabsi.

Wakaaladda wararka ee SONNA ayaa xilliyadii hore waxey warbaahinta caalamku ka xigan jireen wararka Soomaaliya gaar ahaan kuwa kasoo baxo dowladda,waxaana hadda dib u soo laabanaya maqaamkii ay ku laheyd dunida,iyadoo ay xigtaan wakaalado caalami ah.

LEAVE A REPLY

Please enter your comment!
Please enter your name here