Agaasimaha Wakaaladda Wararka Soomaaliyeed ee SONNA oo nairoobi kula kulmay Agaasimaha Wakaaladda wararka Shiinaha ee Shinwa+SAWIRRO

Agaasimaha wakalada wararka Soomaaliyeed ee SONNA oo Maanta Booqday Xarunta ay wakaalada Wararka Shiinaha ee Shinwa ay ku leedahay Magaalada Nairobi.

Agaasimaha wakaalada wararka Soomaaliyeed ee SONNA Cabdiraxmaan Yuusuf Shiikh Al-Cadaala ayaa Maanta Booqday Xarunta ugu weyn wakaalada Wararka Shiinaha ee Shinwa ee qaaradda Afrika,taasi oo ku taala Magaalada Nairobi.

Agaasimaha ayaa waxaa xarunta wakaalada wararka Shiinaha ee Shinwa ku soo dhaweeyay agaasimaha guud ee wakaalada Mr Yuwan,waxana lagu soo wareejiyay qeybaha ay ka koobantahay xaruntasi.

Agaasimaha Wakaalada Wararka Soomaaliyeed ee SONNA ayaa kala hadlay mas’uuliyiinta wakaalada Wararka Shiimaha ee Shinwa sidii ay uga taageeri lahaayeen dhanka kor u qaadida xirfadda shaqaalaha Wakaalada iyo qalabkaba.

Agaasimayaasha Labada Wakaaladood ayaa isku af gartay ka shaqeynta Bandhig lagu soo badndhigayo Sawirada sida ay caasimadda Muqdisho ahayd Xiligii Nabada iyo sida ay noqotay ka dib burburkii,kuwasi oo ku jira Keydka wakaalada wakaalada wararka Shiinaha ee Shinwa.

Agaasimaha guud ee wakaalada wararka shiinaha ee Afrika Mr Yuwan ayaa sheegay in uu rajeynayo in uu kori doono oo uu xogeysan doono xiriirka u dhaxeeyo Labada Wakaaladod, isagoo nabad iyo barwaaqo u rajeeyay shacabka Soomaaliyeed.

Agaasimaha Wakaalada wararka Soomaalieed ee SONNA Cabdiraxmaan Yuusuf Shiikh Al-Cadaala ayaa sheegay in uu agaasimaha guud ee Wakaalada wararka Shiinaha ee afrika  uu kala hadlay sidii ay wada shaqeyn u dhax mari lahayd labada wakaaladood iyo sidii ay xogta isku dhaafsan lahaayen.

Agaasime Cadaala ayaa sheegay in uu ka codsaday Mas’uuliyiinta wakaalada wararka Shiinaha ee Shinwa sidii ay shaqalaha wakaalada wararka Soomaaliyeed ee SONNA ugu taageeri lahaayen dhanka kor u qaadida xirfadooda iyo dhanka qalabkaba.

Waa Markii ugu Horeeyay ee agaasimaha wakaalada wararka Soomaaliyeed ee SONNA Cabdiiraxmaan Yuusuf Sheekh Al-Cadaala uu booqdo xarunta ugu weyn ee wakaalada Wararka Shiinaha ee Shinwa ee qaarada Afrika,taasi fadhigeedi yahay Magaalada Nairobi.

IMG_5155 IMG_5157 IMG_5160 IMG_5161 IMG_5170 IMG_5178 IMG_5180 IMG_5185 IMG_5195 IMG_5203 IMG_5208 IMG_5232 IMG_5242 IMG_5246 IMG_5250 IMG_5259 IMG_5270 IMG_5272 IMG_5288

LEAVE A REPLY

Please enter your comment!
Please enter your name here