Agaasimaha Wasaaradda Waxbarashada XFS oo la kulmay shaqaalaha Wasaaradda oo kormeeray Dugsiyada dowladda

240

Agaasimaha guud ee Wasaaradda Waxbarashada, Hiddaha iyo Tacliinta sare ee xukuumadda federaalka Soomaaliya Xassan Maxamed Cali ayaa maanta xafiiskiisa magaalada Muqdisho kulan kula qaatay shaqaalaha Wasaaradda, kuwaasoo maalintii shalay kormeer ku tagay  Dugsiyada dowladda.

Kulankan ayaa salka ku hayay  sidii kormeerayaashii shalay kormeerka ku tagay Dugsiyada dowladda ay u soo gudbin lahayeen  macluumaad ku saabsan waxyaabihii ay ku soo arkeen.

Xubnaha kormeeray iskuullada dowladda ayaa agaasimaha u gudbiyay macluumaadka ku saabsan Dugsiyada ay booqdeen.

Agaasimaha guud ee Wasaaradda Waxbarashada Soomaaliya Mudane Xassan Maxamed Cali ayaa sheegay in wasaaradda ay ka go’an tahay sidii loo horumarin lahaa Waxbarashada ardeyda Soomaaliyeed.

Mudane Xassan Maxamed Cali ayaa tilmaamay in  Wasaaradda muhiimad ay siineyso sidii aqoontooda kor loogu qaadi lahaa macalimiinta Dugsiyada islamarkana  tababar loo furi doono.

Wasaaradda Waxbarashada Xukuumadda Federaalka Soomaaliya oo dhawaan la soo wareegtay 24 iskuul oo ku yaala gobolka Banaadir, iyadoo ardeyda dhigta Dugsiyada ay si lacag la’aan ah ay wax uga bartan, waxana loo qeybiyay manhajka cusub ee wasaaradda waxbarashada ay diyaarisay.

Did you like this? Share it:

LEAVE A REPLY

Please enter your comment!
Please enter your name here