Agaasime Cadaala oo tababar u furay shaqaale ka tirsan wasaaradda iyo hay’adaha kale ee dowladda

Tababarkan oo lagu baranayay casharo la xiriira sida lagu horumarin karo xiriirka hay’adah dowladda Federaalka Soomaaliya iyo guud ahaan bulshada inteedi kale ayaa wejihiigsa labaad waxaa uu maanta lagu qabtay magaalada Muqdisho,kaasi oo uu si rasmi ah u furay agaasimaha guud ee wasaaradda Warfafainta Dhaqanka iyo Dalxiiska dowladda Soomaaliya mudane C/raxmaan Yuush Sheekh Alcadaala.

Waxaa loo qabtay tababarkani qaar kamid ah shaqaalaha ka kala socday hay’adaha kaladuwan ee dowladda Soomaaliya,kaasi oo ay iska kaashanayaan fulintiisa iyo qaban qaabadiisa Wasaaradda Warfaafinta Dhaqanka iyo Dalxiiska,Hay’adaha Farsight Afrika,MuqdishoMedia house iyo Safaaradda Mareykanka ee Soomaaliya oo ay mas’uuliyiinteedi ku sugnaayeen goobta.

Agaasimaha guud ee wasaaradda Warfafainta Dhaqanka iyo Dalxiiska dowladda Soomaaliya mudane C/raxmaan Yuush Sheekh Alcadaala oo furitaanak tababarkani ka hadlay ayaa ku booriayay ka qeybgalayaasha in ay ka faaidaystaan,islamarkaana ay ugu adeegaan bulshada,isagoo uga mahadnaqay wakiiladii dowladda Mareykanka ee kaalinta ku leh qabsoomidda barnaamijkani.

Intii uu socday tababarkan ayaa waxaa lagu soo bandhigay aragtiyo kaladuwan eek u aadan sida lagu helo karo nidaam lagu hagaajiyo habka isgaarsiineed iyo xiriirka ka dhexeeya hay’adaha dowladda,keydinta xogaha,tayaynta dadka u qaabilsan arrimaha xiriirka,taasi oo keeni karta in si hufan loogu adeego bulshada islamarkaana dowladda iyo shacabku ay isku xirmaan,ayna isku kalsoonaadaan.

Waxaa geba gebadii laga soo saaray qodobo muhiim u ah Istaraatiijiyada xiriirka hay’adaha Dowladda,iyo talooyin lagu horumarinkaro,kaasi oo daba socda wejigii koowaad oo looga dooday caqabadaha ka jira Istaraatiijiyada xiriirka hay’adaha,iyadoo maantana xooga la saaray sidii xal loogu heli lahaa arrimahaasi.

Did you like this? Share it:

LEAVE A REPLY

Please enter your comment!
Please enter your name here