Agaasinka Waxbrashada Gobalka Banaadir Oo Ka Hadlay Saameynta Roobabkii Xalay Ku Yeeshay Qaadista Imtixaanka “SAWIRRO”

Agaasinka Waxbrashada Gobalka Baaadir Cabdiraxmaan Sheekh Cumar ayaa ka warbixiyay saameynta uu imtixnaadka ku yeeshey Roobabkii xalay ka da’ay magalada Muqdisho.

Agaasime Cabdiraxmaan Sheekh Cumar oo la hadlay Radio Muqdisho ayaa sheegay in saaka uu xoogaa hakad ku yimid qaadista imtixaanka, kadib markii qaar ka mid ah goobaha waxbarashada ay biyo soo galeen

“Iskuulaadka qaar biyo ayaa galay waxa ay nagu keentay in waqtigii imtixaanka bilaaban lahaa uu bilaaban waayo oo uu dib u dhaco iyo in ardayda ay soo daahaan, meeshii uu imtixaaka ka bilaaban laha 8:30 uu dib u dhacay, waxaa la bilaabay 9:20 imtixaanka, si nabad ayuuna noogu qabsoomay maanta,” ayuu yiri Agaasime Cabdiraxmaan.

Agaasinka Waxbrashada Gobalka Baaadir mudane Cabdiraxmaan Sheekh Cumar ayaa sheegay in howsha ay kan maamul ahaan ku cusubyihiin, balse Wasaaradda ay ka codsadeen inay gacan ku siiso qaadista imtixaanka, maadaama ay in muddo ah howshan Wasaaradda Waxbarashada soo wadday.

Mudane Cabdiraxmaan Sheekh Cumar ayaa ardayda u rajeeyay inay ku guuleystaan imtixaanka oo ay u gudbaan dugsiga sare, isagoo intaa ku daray inay qaateen dad aqoon u leh howsha hortaalla.

“Berri ayaa noo harta oo labo maaddo ayaa noo dhiman, Alle ayaan ka baryaynaa in uu si nabad ah noogu soo gabo gabeeyo, waxaan kaloo ku guuleysanay inaan qaadano dad aqoon u leh howsha Agaasinka hortaalla, taasi oo noo fududeyso inaan la jaan qaadno”.ayuu yiri Mudane Cabdiraxmaan.

Agaasinka Waxbrashada Gobalka Baaadir Cabdiraxmaan Sheekh Cumar ayaa sheegay in lagu guuleystay in uusan sanadkan bixin qish la xiriira imtixaanka, isagoo intaa ku daray inay ku dadaalayaan sidii loo horumarin lahaa Waxbarashada.

 

 

LEAVE A REPLY

Please enter your comment!
Please enter your name here