Air Djibouti Cargo oo bilowday duulimaadkii ugu horeeyay ee Soomaaliya iyo Jabuuti “SAWIRRO”

Wasiiro ka tirxan Xukuumadda Federaalka iyo Safiirka Dowladda Jabuuti ee Soomaaliya ayaa ka qeybgalay daahfurka duulimaad Diyaaradda Air Jabuuti ay ku kala bixin doonto magaalooyinka Muqdisho iyo Jabuuti.

Diyaaradii u horeysay ee nooceeda uu yahay kuwa xamuulka ah ee Jabuuti Airline ayaa si rasmi ah u bilowday dulimaadkeeda Muqdisho  muddo 24 sano kadib, iyadoo maanta dulimaad ku timid Magaalada Muqdisho.

Wasiirka Warfaafinta Xukuumadda Federaalka, Wasiirka gaadiidka iyo duulista hawada, Wasiiro dowlaha Wasaaradda ganacsiga, Madaxda Rugta ganacsiga, Xildhibaanno iyo Safiirka Jabuuti ee Soomaaliya Danjire Dayib Dubad Rooble ayaa kaga qeybgalay garoonka diyaaradaha  caalamiga Aadan Cadde ee Muqdisho daahfurka dulimaadkaasi.

Safiirka Dowladda Jabuuti ee Soomaaliya Danjire Dayib Dubad Rooble ayaa sheegay in dulimaadka Diyaaradaan xamuulka ah uu bilow u yahay dulimaadka Diyaaradda Air Jabuuti kuwooda rakaabka ah ay ku imaan doonaan Muqdisho, ayna qeyb ka tahay xoojinta xiriirka labada dal.

Wasiirka Gaadiidka iyo Duulista Hawada Mudane Cali Axmed Jaamac Jingili ayaa tilmaamay in socdaalka shacabka Walaalaha ee Jabuuti iyo Soomaaliya uu horseedayo adkeynta Xiriirka labada dal iyo in dhankooda ay dib u bilaabaan dulimaadkii Diyaaradda Soomaali Airline.

Wasiirka Warfaafinta, Dhaqanka iyo Dalxiiska Mudane Maxamed Cabdi Xayir Maareeye ayaa dhankiisa soo dhaweeyay dulimaadkii u horeeyay ee Diyaaradda Jabuuti, isaga oo sheegay in uu bilowday xiriirkii ganacsi ee labada Dal, iyada oo ay xusid mudan tahay buu yiri doorka Jabuuti ee ku leedahay Nabadda  iyo dib u heshiisiinta Soomaaliya.

Tan iyo markii Dowladda Soomaaliya ay ka baxday KMG, waxaa soo hagaagayay xiriirka kala dhaxeeya  Beesha Caalamka, iyada oo Jabuuti ay qeyb ka tahay Dowladahaasi uu xiriirka wanaagsan ee Walaaltinimo uu kala dhaxeeyo Soomaaliya.

DSC01772 DSC01774 DSC01783 DSC01784 DSC01786 DSC01790 DSC01793 DSC01801 DSC01802 DSC01806 DSC01809 DSC01810 DSC01812 DSC01813 DSC01814 DSC01815 DSC01820 DSC01823 DSC01827 DSC01833 DSC01835 DSC01839

Sawir Qaade:-Farxaan Suleymaan Daahir

 

 

LEAVE A REPLY

Please enter your comment!
Please enter your name here