Ajaaniib shabaab ah oo lagu qabtay Galmudug, Aqriso wadamada ay ka soo jeedaan

Ciidamada Ammaanka Dowlad Gobaleedka Galmudug ayaa maanta gacanta ku dhigay Sadax nin oo Ajaanib ah kuwaas oo ka barbar dagaalamayay Maleeshiyaadka Argagixisada Al-shabab oo ay ciidamada Galmudug dagaal kula galeen Bariga Gobalka Mudug.

Taliyaha Ciidamada Sirdoonka iyo Nabad Sigidda NISA Ee qeybta Deegaanada Galmudug, Saadaq Cumar Xasan ayaa Wakaaladda Wararka Soomaaliyeed Ee SONNA u sheegay in la qabtay Sadax nin Laba kamid ah ay dhalashadoodu tahay Kenyan iyo nin u dhashay Dalka Tanzania, kuwaas oo qeyb ka ah maleeshiyaad hubeysan oo ka tirsan kooxda Al-shabab, maalmihii la soo dhaafayna uu dagaal ku dhexmarayay iyaga iyo ciidamada Galmudug Deegaanka Gal Hagoog oo dhaca bariga gobalka Mudug

“Howlgalku wali dhulka Xeebaha ayuu ka socdaa, Maanta 12 Macaabiis cusub ah ayaan soo qabanay waxaa kamid ah sadex nin oo ajaanib ah labo waa Kenyan Midna Waa Tanzanian, baaris ayaa ku socota hadda, waxaana ciidamadu baacsanayaan horjoogayaashii watay dhalinyarada yar yar ee maskaxda ay ka rogeen kooxaha argagixisada”Ayuu Yire Saadax Cumar.

Abdullaahi Rabuu Mahamed oo kamid ah Ajaanibta la soo qabtay oo wareysi gaar ah Luqadda Sawaaxiliga ku siiyay Wakaaladda Wararka Soomaaliyeed Ee SONNA ayaa sheegay in iyagoo 12 Al-shabab ah laga Soo Qabtay Deegaanka Gal Hagoog oo ka tirsan gobalka Mudug gacantana ay ugu jiraan ciidamada Ammaanka.

“Magaceygu waa Abdalla Rabuu Mahamed Waxaan u dhashay Tanzania, waxaan kamid ahay Al-shabab waxaana nasoo qabtay angoo 12 ruux ah ciidamada”ayuu Yiri Abdalla Rabuu.

Waa Ajaanibtii ugu horreysay ee la soo qabto tan iyo markii maamulada Puntland iyo Galmudug ay bilaabeen howlgalladaasi lagula dagaalamayo maleeshiyaadka Firxadka Kooxda Al-shabab oo illaa hadda aan si dhab loo ogeen ujeedka ay deegaanaddaasi u gaareen.

Isha : SONNA

LEAVE A REPLY

Please enter your comment!
Please enter your name here