Al-bashiir oo ka soo muuqday fagaare ku yaala Khartuum.

Madaxweynihii hore ee dalka Sudan Cumar Xasan Al-Bashir aya markii ugu horeysay tan iyo markii talada dalkaas laga fara maroojiyay lagu arkay meel fagaare ah.

Cumar Al-Bashir ayaa la geeyay xafiiska dambi oogayaasha isagoo xiran dharka hiddaha iyo dhaqanka ciidamo badana ay ilaalinayaan.

Dambi Oogayaasha ayaa u akhriyay Cumar Al-Bashir dambiyada loo haysto iyadoo dacwadaha loo haysto ay ka mid yihiin haysashada lacag badan oo aan si xalaal ah lagu helin.

Al-Bashiir ayaa waxaa sidoo kale doon doonaya oo dacwad ay ka taallaa Maxkamda Cadaaladda Aduunka ee ICC, iyada oo loo heysto dacwado bini’aadanimada ee uu ka geystay gobolka Darfur ee Suudaan.

Dambi Oogayaasha ayaa siiyay muddo toddobaad ah inuu ugaga jawaabo dacwadaha loo haysto waxaana dib loogu celiyay xabsiga Kobar.

Ku simaha Dambi Oogaha dalka Sudan Alwaleed Sayed Axmed ayaa sheegay in haddii uusan racfaan ka qaadan dambiyada loo haysto toddobaadka soo socda la horkeeni doono Maxkamad Cumar Xasan Al-Bashiir.

Dambiyada loo haysto Cumar Al-Bashir oo 75 sano jir ah, haddii lagu helo waxaa laga yaabaa in lagu xukumo toban sano oo xarig ah.

LEAVE A REPLY

Please enter your comment!
Please enter your name here