Al-Bashiir oo Shan sano kale loo dhaariyay

1233

Madaxweynaha dalka Suudaan Cumar  Xasan al-Bashir ayaa maanta oo Talaado ah waxaa loo dhaariyay shan sano oo kale in uu maamulo wadanka ka dib markii uu key guuleystay doorashadii bishii Abriil ee sanadkan lagu qabtay dalkaasi.

Munaasabada lagu caleemo saarayay oo lagu qabtay magaalada Khartuum ayaa waxaa ka qeybgalay madaxweynaha Soomaaliya Mudane Xasan Sheekh Maxamuud,madaxweynaha Masar Abdel Fattah al-Sisi , madaxweynaha Zimbabwe Robert Mugabe iyo Uhuru Kenyatta madaxweynaha Kenya.

Madaxweyne Bashir, ayaa boqolkiiba 94 ka helay doorshadii guud ee ka dhacay dalka Suudaan inkastoo sida la sheegay ay qaadaceen kooxaha mucaaradka ah, Al-Bashiir ayaa waxaa doon doonaysa maxkamadda dambiyada dagaalka ah ee ICC.

71 sano jirkan ayaa shaqadiisii hore waxaa uu ka bilaabay askarinimo isagoo markii ugu horeysay loo dhaariyay golaha qaranka waxaana laga soo doortay magaalada Omdurman oo aan ka fogeyn caasimadda dalka Suudaan ee Khartuum waxaa uu sidoo kale noqoday taliyaha ciidanka dalka.

Madaxweyne Al-Bashiir ayaa key lebista dharka hidaha iyo dhaqanka oo ah khamiis cad cimaamad iyo Tusbax waxaana uu key dhaartay Kutubka ama Musxafka Qur’aanka Kariimka ah.

Al-Bashir ayaa xukunka dalka Suudaan waxaa uu qabsaday sanadkii 1989 markaas oo uu taageero ka helayay kooxaha Islaamiyiinta ah balse waxaa uu key guuleystay doorasho ka dhacday Suudaan 2010–kii.

Dagaalo isir key salaysan oo ka bilowday gobolka galbeedka dalka Suudaan ku ee  Darfur sanadkii  2003 kaas oo dowladda Al-Bashii lagu eedeyay in ay taageero siisay mid kamid ah kooxaha key dagaalamayay Darfuur.

Qaramada Midoobay ayaa sheegtay in  300,000 oo ruux lagu dilay dagaalada ka dhacayay gobolka Darfuur halka labo Milyan oo kalena ay ka carareen guriyahooda.

Maxkamadda dambiyada dagaalka ee ICC ayaa madaxweyne Al-Bashiir waxaa ay soo saartay warqadii lagu soo xiri lahaa sanadkii 2009 markii lagu eedeyay dambiyo ka dhanka ah aadanaha oo ka dhacay Darfuur hase yeeshee gaashaanka ayuu ku dhuftay eedeymahaasi.

 

Did you like this? Share it:

LEAVE A REPLY

Please enter your comment!
Please enter your name here