Al-Shabaab oo dad rayid ah ku dhishay deegaanka Buurgaabo

Wararka ka imaanaya gobolada Jubada Hoose ayaa sheegaya in maleeshiyada Al Shabaab ay dileen ugu yaraan saddex qof oo rayid ah, sidoo kalena ay dhaawaceen Lix kale.

Dad deegaanka ah ayaa sheegay in kooxda ay rasaas ku furtay  dad ku sugnaa goob dhuxusha laga jaro oo ku taala deegaanka Buurgaabo ee gobolka Jubba Hoose.

Deegaanka oo ay maamulaan Al-shabaab ayaa qiyaastii  240KM  Koonfur Galbeed ka xigta magaalada Kismayo, kuwaasi oo dhibaatooyin ku haya bulshada gobolkaasi ku nool.

Maleeshiyada Al Shabaab oo ahayd tan ugu badan ee dhoofisa dhuxusha ayaa qorsheyneysa in dadka dhuxusha sida dhuumaaleysiga ah u jarta inay ka qaaddo lacago baad.

Dowladda Federaalka Soomaaliya iyo Qaramada Midoobay ayaa horay u mamnuucay dhoofinta dhuxusha, taasi oo la rumeysan yahay inay qeyb weyn ka tahay xaalufinta dhirta.

Warbixin ay sanadkii 2014kii soo saartay Qaramada Midoobey ayaa lagu sheegay in hal milyan oo jawaan oo dhuxul ah looga dhoofiyay dalka si qarsoodi ah.

 

 

LEAVE A REPLY

Please enter your comment!
Please enter your name here