Al-shabaab oo nin dhakhtar ah ku gowracay gobolka Bakool

0
1662

Magaalada Buurdhuxunle oo ka tirsan gobolka Bakool isla markaana 30 km u jirta degmada Waajid ee gobolkaas ayaa habeenimadii Arbacada aheyd ee la soo dhaafay waxaa nin lagu magacaabi jirey Mad Xasan Duban, oo da’diisa lagu qiyaasay 70 meeyada, ahaana dhakhtarkii magaaladaasi ay gowraceen maleeshiyaad ka tirsan Al-shabab sida ay sheegeen dad goobjoogiyaal ah.

Mid kamid ah dadka magaaladaasi degan oo magaciisa ka gaabsaday ayaa Radio Muqdisho u xaqiijiyay in xilli waqti dambe oo habeen ah ay gurigiisa u soo dhaceen maleeshiyaad hubeysan isla markaana subaxdii meydkiisa laga heley meel banaanka ka ah magaalada.

Guddoomiyaha Buurdhuxunle, Aadan Huudow Axmed, ayaa dhankiisa xaqiijiyay dilkan foosha xun oo ninkaas dhakhtarka ahaa loo geystay isla markaana howlgalo amniga deegaanka lagu adkeynaayo ay sameeyeen tiro dad ahna loo hayo falkaas inkastoo dadka la qabtay intooda badan la soo daayay.

Allaha u naxariistee Mad Xasan Duban, ayaa ahaa nin dadka deegaankaas si weyn u yaqaanaan isla markaana muddo aad u dheer xarun caafimaad ku lahaa magaalada Buurdhuxunle oo uu ugu dambeyntii tii alle ugu timid sababsadeyna gacan ka xaqdaran.

Ilaa iyo hadda lama oga sababta loo diley ninkan odayga ahaa, hase yeeshee falalka noocaan ah ayaa ah kuwo ay ku can baxeen maleeshiyaadka Al-shabaab.

Magaalada Buurdhuxunle, ayaa waxaa ay kamid aheyd meelaha maleeshiyaadka Al-shabaab ay dadka shacabka ah u dhibaateyn jireen hase ahaatee horaantii sanadkii la soo dhaafay ay ka saareen ciidanka dowladda Soomaaliya iyo kuwo midowga Afrika.

Xilligii Buurdhuxunle, ay gacanta ku hayeen  Al-shabaab ayaa la sheegay in ay ninkan ay afduubeen isla markaana muddo dhowr bilood ah kadib xoriyadiisa dib u soo siiyeen.

 

 

Did you like this? Share it:

LEAVE A REPLY

Please enter your comment!
Please enter your name here