AMISOM oo bilado guddoonsiisay saraakiil ka tirsan cutubka 28aad ee AMISOM “SAWIRRO”

Xubno ka tirsan ciidanka dalka Uganda ee qeybta ah howlgalka nabad ilaalinta Midowga Afrika ee Soomaaliya ee AMISOM ayaa la guddoonsiiyay bilado iyo shahaadooyin ay ku muteysteen shaqada adag oo ay ka hayaan xasilinta Soomaaliya.

Munaasabad ka dhacday xarunta AMISOM ee magaalada Muqdisho ayaa xubno ka tirsan cutubka 28aad ee ciidanka Uganda ee AMISOM qeybta ka ah waxaa shahaadooyinka iyo biladaha guddoonsiiyay Taliyaha guud ee AMISOM r. Lt. Gen. Diomede Ndegeya waxaana goob hoog ka ahaa Taliyaha ciidanka Uganda ee AMISOM Brig. Gen. Don William Nabasa..

Ciidanka ayaa dhameystay shaqadii AMISOM ee ay Soomaaliya ka hayeen, waxaana lagu badali doonaa qeyb cusub oo qeyb ka qaadan doona howlgalka AMISOM ee Soomaaliya.

Taliyaha AMISOM Lt. Gen. Ndegeya  ayaa amaanay shaqadii ay qabteen cutubka 28-aad mudadii ay Soomaaliya joogeen .

Ciidankan ayaa qeyb ka ahaa qabashada magaalooyinka Janaale iyo Awdhiigle  ee Gobalka Shabeelaha Hoose .

Cutubkan shaqada dhameystay ayaa Soomaaliya joogay hal sano iyo bar, waxaana sida sharciga AMISOM uu yahay badali doona cutub cusub.

 

LEAVE A REPLY

Please enter your comment!
Please enter your name here