Amisom oo Ciidanka Xoogga  dalka ku wareejisay Saldhiga Maryan-gubaay

Ciidamada Uganda ee ka tirsan AMISOM oo xaqiijiyey Amaanka iyo gacan ku haynta saldhigga howlgalka Maryan-Gubaay oo ka tirsan gobolka shabeellada hoose, ayaa hadda ku wareejiyay ciidamada Xoogga dalka Soomaaliyeed oo hadda waxii ka danbeeya sugi doono amaanka Degaankaas.

Axaddii ayey qabsoontay munaasabad si toos ah  Amisom ugu wareejinaysay Ciidanka xoogga Dalka Soomaaliyeed, xarunta oo ay qeyb ka ahayd Qorshaha Kalaguurka ayaa waxa ka soo qeyb galay gudoomiyaha gobolka shabeelaha hoose, Cabdulqaadir Siidii iyo gudoomiye ku xigeenka degmada Baraawe Ibraahim Cabdinuur.

Ciidanka Xoogga Dalka ayaa mudooyinkii u dambeeyey la wareegayay Saldhigyada Amisom hore gacanta ugu haysay taa oo muujinaysa awooda sii kordhaysa ee ciidanka xoogga dalka iyo sida uu ugu filan yahay la wareegista dhamaan goobaha laga xoraynaayo haraadiga argagaxisadda.

Ciidamada Amisom ayaa horay ugu sii socdoona dagaalka ka dhanka ah Al-Shabaab si ay gacan uga geysataan ka xoreynta aagagga ay gacanta ku hayaan argagixisada.

LEAVE A REPLY

Please enter your comment!
Please enter your name here