AMISOM oo deeq dawo ah gaarsiisay cisbitaalka Baledweyne

0
669

Saraakiisha Midowga Africa ee AMISOM ayaa maanta deeq dawo ah gaarsiiyay cisbitaalka magaalada Baledweyne ee xarunta Gobalka Hiiran si wax loogu qabto bukaanada ku jira cisbitaalka.

Munaasabad kooban oo lagu qabtay gudaha cisbitaalka ayaa waxaa ka hadlay Taliye ku-xigeenka qeybta afaraad ee ciidanka AMISOM ee gobolka Hiiraan Col. Maria Bayane oo sheegay in deeqda oo kooban 80 kartoon oo daawo ku wareejiyeen guddoomiyaha gobolka Hiiraan, isagoo sheegay in daawooyinka ay ugu talagaleen in lagula tacaalo xaaladda caafimaad ee bukaannada ku jira cisbitaalka.

Guddoomiyaha gobolka Hiiraan Mudane Cabdifataax Xasan Afrax oo isna deeqda ku wareejiyay agaasimaha cisbitaalka Baledweyne Dr. Axmed Maxmed ayaa ciidanka AMISOM uga mahadceliyay deeqda daawada ah ee ay cisbitaalka soo gaarsiiyeen, isagoo hay’adaha samafalka ka codsaday inay kaalmo deg deg ah la soo gaaraan cisbitaalka Baledweyne.

Dr. Axmed Maxamed Khaliif ayaa xusay in kaalmadan ay ku soo beegantahay xilli ay baahi weyn u qabeen, isla markaana wax ka tari doonto baahida daawo ee ka jirta cisbitaalka, isagoo intaa ku daray in cisbitaalka ay jiifaan bukaanno qabo xanuuno kala duwan.

Did you like this? Share it:

LEAVE A REPLY

Please enter your comment!
Please enter your name here