Aqoon isweydaarsi ku saabsan doorka haweenka ku leeyihiin ka qeyb galka siyaasadda oo lagu qabtay Gaalkacyo “SAWIRRO”

Aqoon isweydaarsigaan oo ay taaba gelintiisa iska kaashadeen hay’adaha CRC iyo EISA isla markaana ahaa mid ku qotamay aragti aruurin iyo ka doodis lagu sameeynayay kor u qaadista  doorka haweenka iyo ka qeyb galka siyaasadda oo maanta lagu qabtay magaalada Gaalkacyo ayaa waxaa ka qeyb galay xubno matalayay urrurada haweenkan dhallinyarada iyo qaar ka mid ah odayaasha dhaqanka gobalka Mudug .

Axmed Cabdi Shaakir oo ku hadlaya magaca hay’adda CRC ayaa sheegay in uu socan doono muddo laba maalmood ah, isla markaana looga hadli doono doorka haweenka ay ku yeelan karaan ka qeyb galka siyaasadda.

Guddoomiya ku-xigeenka degmada Gaalkacyo Injineer Maxamed Cabdi Cilmi oo si rasmi ah u furay aqoon isweydaarsiga ayaa soo dhaweeyay in haweenku ay door ku lahaadaan ka qeyb galka siyaasadda, ka maamul ahaan ay haweenka horayna qoondadooda uga heysteen maamulka degmada Gaalkacyo.

Intaas kadib qaar ka mid ah ka qeyb galayaashii oo isugu jiray dhallinyaro haween iyo odayaashii ka qeyb galay ayaa aragtidooda ka dhiibtay sida ay u arkaan arrimaha iyo ka qeyb galinta siyaasadda dalka, kuwaas oo sheegay in haweenku ay mudan yihiin in la siiyo tixgalin si ay qeyb uga noqdaan bad baadada dalka, maadaama haweenku xiliyadii bur burka ay muuqatay kaalintooda.

LEAVE A REPLY

Please enter your comment!
Please enter your name here