Aqoonyahanno cambaareeyay tacadiyada Shinaha ee muslimiinta Uighur

436

Boqolaal aqoonyahanno ah ayaa soo jeediyay in dalalka caalamka ay cunaqabateyn kusoo rogaan dalka Shinaha oo lagu eedeeyay in xerooyin gaar ah oo ku yaalla gobolka Xinjiang uu ku hayo muslimiinta Uighur oo ka mid ah bulsho weynta dalkaasi.

Tallaabadaan ayaa ka dambeysay kulan maalinimadii shalay ka dhacay magaalada Washington, DC,oo ay ka qeybgaleen 278 Aqoonyahan oo ka kala socday dhowr iyo toban dal,kaas oo looga hadlaayey tacadiyada Shinaha ay ku hayaan dadka muslimiinta ah ee tiro ahaan ka yar bulshada dalkaasi.

“Dalalka caalamka waa in ay soo dhoweeyaan dadka magangalyo doonka ah ama waa in qaramada Midoobay ay la timaadaa xeelad lagu badbaadinaayo muslimiinta ama la baaro tacadiyada loo geystay”sidaa waxaa yiri Aqoonyahanadaasi.

Waxgaradkaasi waxa ay qabaan in hadii aan wax laga qaban digniinta ay soo jeedinayaan ay calaamad u noqon doonto in la aqbalo dhibaatooyin iyo tacadiyo ku dhaca dadka maatida ah ee aan wax gllaabsan.

Aqoonyahanadu waxa ay ku baaqeen in Shinaha ay dhameeyaan siyaasadaha ku aadan in xerooyin gaar ah lagu hayo dadka muslimiinta,isla markaana cunaqabateyn la saaro hoggaamiyaasha  dalkasi iyo hey’adaha ammanka ee ku kaca falalka tacadiyada ah ee loo geysto muslimiinta.

Did you like this? Share it:

LEAVE A REPLY

Please enter your comment!
Please enter your name here