Arday Ka Baxday Dugsiyada Sare Oo Imtixaan U Galay Ka Mid Noqoshada Boliiska iyo Gen Xaamud Oo Kormeeray Ardayda “Sawirro”

0
2036

Iyadoo Taliska Ciidanka Boliiska Soomaaliyeed uu ku mashquulsanyahay horumarinta iyo tayeynta Ciidanka, ayaa iyadoo taasi laga duulayo waxaa Taliyaha Ciidanka Boliiska Soomaaliyeed mudadii uu xilka hayay fagaara badan uu ka sheegay in Boliisku uu u baahanyahay in ay ka mid noqdaan arday wax baratay oo suura galisay in ay soo codsadaan ku biirista ciidanka arday ka kala baxay dugsiyada sare kaddib markii warbaahinta ay ka maqleen Ogeysiiska la xiriira ka mid noqoshada ardaydaasi.

Waxaana ardaydii soo codsaday in ay ku biiraan Hooyada Ciidanka Soomaaliyeed ee Boliiska ay u fariisteen imtixaanaadka lagu kala xulayo codsadayaasha, waxaana Taliyaha Ciidanka Boliiska Soomaaliyeed Sareeyo Guuto Maxamed Sheekh Xasan Xaamud uu maanta booqday halka imtixaanka ay ku galayeen ardayda, taasi oo uu ugu kuur galayay sida imtixaanka uu u socda.

Taliyaha Ciidanka Boliiska Soomaaliyeed ayaa la hadlay ardayda imtixaanka u fadhiyay, isagoo u sharaxay muhiimada ay leedahay in ay ku soo biiraan arday wax baratay oo uu ku sifeeyay in muhiim ay tahay in la helo ardaydii beri badali laheyd Saraakiisha Boliiska ee Shaqeynaya, waxaana uu u sheegay in ay gali doonaan tababaro dalka dibadiisa iyo gudihiisa ah, waxaana uu u rajeeyay in uu ku guuleeyo hamigooda.

“Waxaa tihiin arday maskax fiyow waa muhiim in aad ku soo biirtaan ciidanka oo aad noqotaan kuwii hogaamin lahaa maxaa yeelay aniga iyo saraakiisha shaqeysa waa ka tageynaa shaqada marka haddii aan la helin arday wax baratay oo ka baxay jaamacado iyo dugsiyo sare ciidanka beri yaa horumarinaya maxaa yeelay ciidanka waa xaaqin waligiisa waa jiraa laakiin anaga shaki kuma jiro in aan baxeyno oo aad hogaamin doontaan ciidanka kheyr iyo horumar balaaran ayaan idiin rajeynaya” Sidaasi Waxaa Yiri Taliyaha Ciidanka Boliiska Soomaaliyeed.

Taliyaha Ciidanka Boliiska Soomaaliyeed Sareeyo guuto Maxamed Sheekh Xasan Xaamud oo sii hadlay ayaa kula dardaarmay ardayda in ay ku qancaan natiijada Imtixaanka intii la xushana ay yihiin dhalinyaro soomaaliyeed oo ciidanka ku biirtay inta kalana aan laga maarmi doonin balse loo qaadan doono tababaro dalka gudihiisa lagu siin doono.

IMG_0813

20150612_092042_resized 20150612_092234_resized 20150612_092244_resized 20150612_092252_resized 20150612_092405_resized 20150612_092412_resized 20150612_092913_resized 20150612_095030_resized 20150612_095039_resized  20150612_103049_resized   IMG_0872 IMG_0873 IMG_0874

Did you like this? Share it:

LEAVE A REPLY

Please enter your comment!
Please enter your name here