Arday ka qalin jebisay Jaamacadda Islamic faraceeda Gaalkacyo oo xaflad loo qabtay “SAWIRRO”

Munaasabadda oo aheyd mid lagu dhiiri galinayay dufcadii kowaad ee ka qalin jabisa Jaamacadda Islamic University xarunteeda magaalada Gaalkacyo ayaa waxaa ka qeyb galay mas’uuliyiin ka tirsan Galmudug, aqoonyahanno waxgarad iyo xubno matalayay qeybaha bulshada ayaa waxaa ugu horeyn ka hadlay duqa Degmada Gaalkacyo Xirsi Yuusuf Barre

Madaxa Jaamacadda Islamic university faraceeda gaalkacyo Macalin Maxamed Xasan Xariiri ayaa mahadcelin kadib waxa uu sheegay in tirada maanta qalin jebineysa ay gaarayaan 16, kuwaasi oo bartay culuumta diinta islaamka.

Sidoo kale qaar ka mid ah madaxda  Jaamacadda ayaa balan qaadyo waxbarsho u sameeyay ardaydii kaalimaha hore ka gashay dufcadii ugu horeysay ee  ka qalin jabisay faracooda magaalada Gaalkacyo

Munaasabadda ayaa intii ay socotay waxaa ka hadlay waxgarad iyo aqoonyahano kala duwan oo ka socday jaamacadaha dalka,kuwaas oo dhamaantood sheegay in barashada sharciyada iyo qanuunka Islaamiga ay wax weyn ku soo kordhin karto magaalada Gaalkacyo iyo guud ahaan dalka, sidoo kalana uga hambalyeey arday guusha maanta ay ka gaareen Waxbarashadooda la xariirta culuumta Diinta Islaamka

Gunaanadkii munaasabadda ayaa waxaa ka hadlay guddoomiyaha Gobalka Mudug Cabdiraxmaan Cali Diiriye iyo Xidhibaan Yoonis Maxamed Shaare, Guddoomiyaha guddiga arimaha bulshada Baarlamaanka Galmudug waxaana ay  bogaadiyeen  dadaalka iyo horumarka waxbarsho ee xiliyadii u danbeeyay ka jiray guud ahaan Gobalka Mudug

LEAVE A REPLY

Please enter your comment!
Please enter your name here