Arday shahaadooyin lagu guddoonsiiyay dalka Koonfur Afrika “SAWIRRO”

Munaasabadaan lagu maamuusayay xirtaanka sanad dugsiyeedka iskuulka SIREC iyo Madarasada Cumar Faaruuq ee magaalada Johannseburg ayaa waxaa kasoo qeybgalay dad weyne aad u badan oo isugu jiray Aqoonyahano, Waxgarad, Ganacsato iyo Waalidiinta caruurta waxa ka barata Iskuulka iyo Madarasada.

Munaasabada ayaa intii ay socotay waxaa lagu soo bandhigay arday dhameeysatay bilowga fasalka carruurta yar yar wax lagu baro iyo kuwa fasalka ugu sareeya iskuulka SIREC oo ah fasalka 7-aad kuwaasoo u gudbaya sanadka cusub fasalka sideedaad oo ay tagayaan iskuul kale, waxaa sidoo kale la abaal mariyay 13 arday oo iskugu jiray wiilal iyo gabdho oo quraanka ka dhameeyay madarasada Cumar Faaruuq.

Professor Cigaal oo wax ka dhiga Jaamacada Vaal ee dalkaan Koonfur Afrika oo ka hadlay munaasabada ayaa ugu horeyn uga mahadceliyay maamulka iyo macalimiinta iskuulka SIREC iyo madarasada Cumar Faaruuq oo kudadaalay inay soo saaraan jiil waxbaranaya oo hamigoodu sareeyo, wuxuuna sheegay inuu ku faraxsan yahay bandhiga qurxoon ee ay ardaydu kusoo bandhigeen munaasabadaan xiritaanka sanad dugsiyeedka 11-aad.

“Waxaan maanta ku faraxsanahay inaan ka qeybgalno munaasabadan carruurteena lagu gudoonsiinayo Shahaadooyin,qof aan wax baran iyo qof bartay waxa ay kala yihiin iftiin iyo gudcur”

Maamulaha Dugsiga H/Dhexe ee Sirec iyo Madarasada Cumar Faaruuq Sheikh Maxamed C/raxmaan Abuukar oo gabagabadii munaasabada warbaahinta la hadlay ayaa sheegay in Ardaydaan isugu jiraan Soomaali iyo Ajaaniib kale ayna macliiminta ku dadalaan sida tacliinta dalkaan iyo dhaqanka suuban ee diinta Islaamka u baraan, isagoo intaasi ku daray inay dhallaankaan qaarkood yihiin Agoomo.

” Waxaan aad ugu faraxsanahay inay nagala soo qeyb galaan Waalidiin iyo marti sharaf xaflada xirtaanka sanad dugsiyeedkan 2016 ka indhihina waxaad ku aragtaan sida ay caruurtiina sida ay wax u bartaan taasina waxaan ugu mahadcelinayaa macalimiinta ku bixiya dadaal dheeri ah.

Madarasada Cumar Faaruuq iyo Iskuulka SIREC oo ah hal Xarun oo ay wax ku bartaan dhalaanka magaalada Johannesburg ee dalka Koonfur Afrika ayna wax ka bartaan  Arday isugu jirta Soomaali iyo Ajanabi ayaa waxay gaareysaa tiradooda in ka badan 700 oo arday iyadoo lagu baro Waxbarashada Diiniga, maadiga iyo tarbiyada caruurta.

unnamed (1) unnamed (2) unnamed (3) unnamed (4) unnamed (5) unnamed (7) unnamed (8) unnamed (9) unnamed (10) unnamed (11) unnamed (12) unnamed (13) unnamed (14) unnamed (15) unnamed (16) unnamed (17) unnamed (18) unnamed (19) unnamed (20) unnamed

C/qaadir Axad,Johhanseburg

 

Did you like this? Share it:

LEAVE A REPLY

Please enter your comment!
Please enter your name here