Arday Tababar Ku Saabsan Wadaniyada Loogu Qabtay Muqdisho

1211

calanka-somaliaTababarkani oo socday hal maalin islamarkaana loo qabtay in ka badan 500 oo arday oo ah kuwa ka qalin jabiyay dugsiyada sare ee dalka, iyadoo casharada tababarka ay ku qaadanayeen ay yihiin kuwa ka hadlaya muhiimada wadaniyada, waxaana soo qaban qaabiyay Jamciyadda ASAL oo marti u ah Jaamacadda Soomaaliya.

Tababarka oo ay bixinayaan aqoon yahano Soomaaliyeed ayaa waxyaabaha diirada lagu saarayo waxa uu yahay in la fahansiiyo dhalinyarada ahmiyada ay leedahay wadaniyada iyo sida dhalinyarada loogu baahan yahay in ay ka shaqeeyaan horumarka dalka maadaama ay yihiin ubixii dalka.

Mas’uuliyiinta Jamciyadda ASAL oo la hadlay warbaahinta Qaranka ayaa waxa ay sheegeen tababarkani iyo kuwa kale ay qabanayaan ay uga gon leeyihiin xoojinta wadaniyadda maadaama sida ay sheegeen dalka uu soo maray bur bur saameeyay hey’adihii Dowladda islamarkaana dhalinyaradu ay yihiin kuwa aan nasiib u yeelan in ay arkaan xiligii ay jirtay Dowladii dhexe loona baahan yahay in la baro Dowlad wanaaga iyo dal Jeceylka.

Did you like this? Share it:

1 COMMENT

  1. waxaan salaan halkaan uga dirayaa indheergaradka u sameeyay dhalinyaradaan tababarkaan muhiimka ah waayo wadaniyadu waa amar muqadas ah oo qofka iinsaanka ahi waxoow illaaheey ku maneystay wadan ow leeyahay oo aanoow heleyn meel wadankiisa u bedeli karto sidaas darteed waxaan ka codsaneynaa indheer garadka wadaniyiinta ah ineey masuuliyad weyn iska saaraan sidii jiilka yaryar loogu tarbiyeyn lahaa wadanjeceylka iyo qiimaha wadaniyadu leedahay waxaa kaloo aan halkaan baaq dheer uga dirayaa culumada soomaaliyeed ineey umadooda ku hanuuniyaan midnimada iyo ilaalinta sharafta wadankeena oo aanan laheleyn illaa shacabkeenu fahmo qiimaha wadanku leeyahay .

    illaahey wadankeena hanoo xifdiyo qaluubteenana ha geliyo jaceylka wadanka iyo inaan iswalaashano.

LEAVE A REPLY

Please enter your comment!
Please enter your name here