Ardayda Dugsiga Sare ee Cabdullaahi Ciise oo ka qeyb qaadanaya dhireynta Gaalkacyo “SAWIRRO”

Ardayda dugsiga sare ee Cabdullaahi Ciise Maxamuud ayaa waxa ay 50 geed ku wareejiyeen ururka isxilqaamayaasha Iftiinka Mudug ee Puntland, kuwaas oo ka mid ah ururada u istaagay ka shaqeynta bilicda Gaalkacyo.

Maamulaha Dugsiga Hoose Dhexe iyo Sare ee Cabdullaahi Ciise Maxamuud mudane Cabdiraxmaan Maxamed Cilmi ayaa sheegay in Ardayda iskuulka Cabdulaahi Ciise ay diyaar u yihiin ka qeyb qaadashada horumarinta adeegyada ay bulshadu u baahanyihiin, isagoo xusay in ardayda ay door weyn ka qaadanayaan garab istaaga cid kasta oo ka shaqeeyneysa Danaha bulshada.

Guddoomiyaha Ururka Isxilqaamayaasha Iftiinka Mudug ee Puntalnd Aadan Cabdishakuur ayaa ka mahadceliyay geedaha lagu wareejiyay, iyagoo geedkii ugu horeeyay ku beeray gudaha dugsiga Sare ee Cabdullaahi Ciise.

Aadan Cabdishakuur ayaa tilmamay in dalkaan dhallinyaradiisu ay isku xilqaameen olalaha bilic soo celinta Gaalkacyo.

Maxamed Cali Axmed oo ka mid ah xubnaha Golaha deegaanka Degmada Gaalkacyo ee Galmudug ayaa bogaadiyay kaalinta ay ardaydu ka qaadanayaan horumarinta deegaanka iyo xoojinta amniga iyo isdhaxgalka bulshada.

 W/D: Cabdirisaaq Maxamed Axmed Galkaacyo

LEAVE A REPLY

Please enter your comment!
Please enter your name here