Ardayda Jaamacadda Jobkey oo u fariistay Imtixaan “SAWIRRO”

0
1373

In kabadan 2,500 oo arday oo wax ka barata Jaamacadda Jobkey ee magaalada Muqdisho ayaa u fariistay imtixaanka Jaamacadda, kaasi oo lagu qabanayo ilaa iyo afar xarumood oo labo ka mid ah ay Jaamacaddu ku leedahay Muqdisho, halka labada kale ay ku yaalaan magaalooyinka Jowhar iyo Beladweyne ee gobollada Shabeelaha dhexe iyo Hiiraan.

Madaxa Imtixaanaadka Jaamacadda Jobkey Siyaad Barre Sheekh ayaa tilmaamay in ardayda ay tiradoodu gaareyso labo kun, shan boqol, lixdan iyo labo qof, isla markaana uu u rajeeyay in ay  ku guuleystaan imtixaanka midterm-ka ee sanadkan.

“Waxaan u rajeynayaa ardayda ka qeyb qaadaneysa imtixaanka in ay guulo ka soo hoyaan, isla markaana keenaan natiijooyin wax kuool ah, waxaana u mahadcelinayaa maamulka sare ee Jaamacadda oo had iyo jeer isku howla kor u qaadida aqoonta ardayda wax ka barata Jaamacadda Jobkey” ayuu yiri Siyaad Barre.

Dhinaca kale, Madaxa Imtixaanaadka Jaamacadda Jobkey ayaa sheegay in qeybta Masterka ama heerka labaad ee Jaamacadda ay kala kaashanayaan Jaamacadda Cavendish ee dalka Uganda, iyagoo qaadanaya arday cusub oo noqoneysa dufcadii labaad, isagoo ugu baaqay ardayda Soomaaliyeed iney ka faa’ideystaan, iskana diiwaangeliyaan xarumaha Jaamacaddaas, iyadoo ardayda la qaadanayo ay tahay mid xadidan.

IMG_0151 IMG_0161 IMG_0163 jobb_1 jobb_7

Did you like this? Share it:

LEAVE A REPLY

Please enter your comment!
Please enter your name here