Ardayda Soomaaliyeed ee dalka Malaysia oo hoggaan cusub dooratay -“Sawirro”

Waxaa habeenkii isniinta lasoo dhaafey oo ku beegnayd 24-ka August doorasho si heer sare loo soo agaasimay ka dhacday magaalada Kuala Lumpur ee caasimada dalka Malaysia oo lagu soo dooranayay hogaan cusub u yeesho Ururka ardayda Soomaaliyeed marka magaciisa lasoo gaabiyo loo yaqaano SSM.

Doorashadan oo ay soo qaban qaabiyeen Guddiga doorashada ee Ururka ayaa waxaa ku tartamayay labo musharax oo kala ahaa; Maxamed C/raxmaan Ismaaciil (Timo) iyo Cabdirisaaq Maxamed Maxamuud (British).

Ardayda kasoo qaybgashay doorashada ee codkooda dhiibanayay ayaa ka kala yimid Jaamacaddaha dalkan, waxaana ay tiradoodu kor u dhaafayeen 400 oo aad u xiiseynayay in ay ka qayb qaataan doorashada Ururka.

Masuuliyinta kasoo qaybgashey Xafladda waxaa kamid ahaa; Siihayaha Safiirka Safaaradda ahna Qunsulka Safaaradda Soomaaliya ee dalka Malaysia mudane Jibriil Sheikh Cismaan, Xogheyaha Koowaad ee Safaaradda Marwo Qamar Maxamed Ibraahim, Gudoonka Jaaliyada Soomalida ee dalka Malaysia oo kala ah Gudoomiyaha Jaaliyada mudane Maxamed Cabdi Isxaaq iyo Kuxigeenkiisa Cabdicasiis Bandiirad , iyo mid kamid ah Bareyaasha Jaamacaddaha Malaysia Proffessor Najiib iyo martisharaf kale.

Ugu horeyntii waxaa xaflada ka hadlay Gudoomiyaha kumeel gaarka ee guddiga doorashada Maxamed Xuseen oo ku booriyay ardayda kasoo qaybgalayaasha inay si hufan codkooda u dhiibtaan, isagoo sharaxaad ka bixiyey xeerarka doorashada.

Sidoo kale waxaa isaguna xaflada khudbad qiimo badan ka jeediyay xubin kamid ah guddiga doorashada Ciise Maxamed Cali isagoo ka warbixiyay howshii adkayd ee usoo dhabar adeegeen si ay ardayda Soomaaliyeed u hesho nidaam iyo in la doorto hogaanka cusub ee ururka.

Gudoomiye kuxigeenkii hore ee ururka ardayda Soomaaliyeed Mowliid Cabdi Xuseen oo goobta ka hadley ayaa isna faahfaahin dheeraad ah ka bixiyey waxqabadkoodii inta ay xilka hayeen.

Gudoomiyihii hore ee ururka ardayda iyo Jaaliyada Puntland mudane C/kariim Cismaan Ciise ayaa ku booriyay jaaliyada inay gacanta is qabsadaan.

Khudbadaha kadib ayaa la guda galay codeynta, waxaana codeynta kadib guddiga doorashada ku dhawaaqeen natiijada markii la tiriyey codadka, iyadoo Musharax Maxamed C/raxmaan Ismaaciil (Timo) uu helay 229 cod halka musharaxa kale ee la tartamayay C/risaaq Maxamed Maxamuud (British) uu helay 168 cod, waxaana halkaas ku guuleystay Gudoomiyaha cusub ee ururka ardayda Maxamed C/raxman Ismaciil (Timo) oo xilka haynaya mudo sanad ah.

Natiijada doorashada kadib waxaa ka hadlay xafladda Xogheyaha koowaad ee Safaaradda Marwo Qamar Maxamed Ibraahim oo mahadcelin balaaran ujeedisay guddiga doorashada howsha wanaagsan ay qabteen, waxayna ka codsatay ardeyda in ay la shaqeeyaan hogaanka cusub.

Gudoomiyaha Jaaliyadda Soomaaliyeed Maxamed Cabdi Isxaaq oo isna Hadley ayaa u hambalyeeyay guddiga cusub, wuxuuna ballan qaadey in ay wada shaqeyn doonaan Jaaliyadda iyo Ururka ardeyda Soomaaliyeed.

Ugu dambeyntii waxaa xafladda soo xirey Kusimaha Safiirka ahna Qunsulka Safaaradda Soomaaliya ee dalka Malaysia Jibriil Sheikh Cismaan oo ka Hadley kaalinta ay leeyihiin ardeyda Soomaaliyeed kuna booriyey in ay xooga saaraan waxbarashada, wuxuuna soo dhoweeyay doorashada Gudoomiyaha cusub  isla markaana ballan qaadey in ay Safaaradda ay la shaqeyn doonto.

11903469_10206064056372760_563349651_n 11903577_10206064029492088_2048829986_n 11903598_10206064056292758_109490482_n 11909611_10206064055732744_1235401837_n 11910660_10206064029372085_76029569_n 11911101_10206064055612741_362832049_n 11911125_10206064087773545_813828100_n 11913023_10206064029292083_245040431_n 11920375_10206064040092353_1480157915_n 11923407_10206064058532814_1284384544_n 11926454_10206064029612091_1426858491_n 11938774_10206064055572740_2104891853_n 11940150_10206064029332084_1617459261_n 11944674_10206064056452762_1902271837_n 11948089_10206064029652092_1590364733_n 11949521_10206064029772095_260806312_n 11949815_10206064020211856_316522589_n

 

Ciise Maxamed Cali

LEAVE A REPLY

Please enter your comment!
Please enter your name here