Ardayda Soomaaliyeed ee Suudaan oo dooranaya hogaan cusub

525

Boqolaal ka mid ah ardyada Soomaaliyeed ee wax ka barta dalka Suudaan ayaa diyaargarow ugu jira doorashada madaxda hogaamin doonta Ururka Midowga ardayda Soomaaliyeed ee Dalka Suudaan, doorashadan ayaa waxaa soo qaban qaabiyay guddiga doorashada ee ururka,waxaana ku tartamaya ilaa iyo 7 Murashax, Ardayda ka soo qaybgashay doorashada ee codkooda dhiibanaya ayaa ka kala yimid Jaamacaddaha Suudaan waxayna iskugu jiraan Wiilal iyo Gabdho.

Ugu horeyntii hoolka ay doorashada ka dhaceysay ayaa waxaa ardyada kula hadlay gudoomiyaha Jaaliyadda Soomaaliyeed ee dalka Suudaan Cabdi-Wali Xasan Xuseen iyo gudoomiyaha xilkiisa dhamaaday Yacquub Wehliye,waxayna ardyada ugu mahadceliyeen sida quruxda badan ee doorashada ugu soo baxeen,iyagoona kula dardaarmay inay doortaan qofkii hogaamin lahaa.

Dhanka kale u qaybsanahaWarfaafinta Safaaradda Soomaaliya ee Suudaan Fiidow Maxamuud Fiidow iyo Salaad Cosey oo ku hadlayay guddiga soo qaban qaabiyay doorashada ayaa ardayda ku booriyay  inay si hufan codkooda u dhiibtaan, waxayna sharaxaad ka bixiyeen xeerarka doorashada.

Sido kale Cabdulqaadir C/llaahi Faarax oo ku hadlayay Afka murashaxiinta u taagan Xilka ayaa sheegay inay aad ugu qacansan yahiin sida ay doorashada ku dhacay asagoona mahad celin ballaaran u jeediyay guddiga doorashada howsha wanaagsan ay qabteen.

Doorashada Ururka Midowga ardayda Soomaaliyeed ee dalka Suudaan ayaa waxay ku soo dhamaatay jawi wanaagsan,iyadoona lagu wado in natiijada doorashada lagu dhawaaqo maalinimada berri ah.

Ururka ardayda Soomaaliyeed ee dalka Suudaan ayaa ah urur aad u facwayn,waxaana la asaasay sanadkii1976-dii,waxaana xilal kala duwan ka soo qabtay siyaasiyiin caan ka ah Soomaaliya.

Did you like this? Share it:

LEAVE A REPLY

Please enter your comment!
Please enter your name here