Argagixisada Al-Shabaab oo qarax la eegtay gaari ay saarnaayeen dad rayid ah

Kooxda argagixisada ah ee Al-Shabaab ayaa qarax miino u dhigay gaari ay saarnaaayeen dad shacab ah oo marayay waddo xariirisa Degmooyinka Jalalaqsi iyo Buula-burte ee Gobalka Hiiraan.

Gaari nooca loo yaqaan Noah oo ka soo baxay Degmada Jalalaqsi, isla markaana ay saarnaayeen ilaa 7 ruux oo shacab ahaa ayav miinada kula kacday meel qiyaastii 30 km u jirta Degmada Buula-burte, halkaasi oo uu ku dhintay wadihii gaariga, halka ay ku dhaawacmeen Afar ruux oo kale.

Isbitaalka Degmada Buula-burte ayaa la gaarsiiyay dhaawacyada ka dhashay qaraxa arxan laawayaasha ay u dhigeen dadka shacabka ah.

Inta badan kooxda argagixisada Al-Shabaab ayaa looga bartay bartilmaameedsiga dadka rayidka ah ee aan waxba galabsan waxaana ficilada foosha xun ee kooxda ay ka turjumayaan in gabalkooda uu sii dhacayo.