Argagixiso Al-Shabaab ah oo lagu dilay Dagaal ka dhacay Daynuunay

68

Dagaalkaan ayaa khasaaro badan waxaa loogu gaystay Maleeshiyaadka Argagixisada ah ee Al-Shabaab, ka dib markii ay isku dayeen inay weeraraan deegaanka Daynuunay ee Gobalka Baay.

 

Saraakiil ka tirsan dowladda ayaa Radio Muqdisho u xaqiijiyay in ciidanka dowladda ay heegan ku jireen taasinay suurtalisay in si deg deg ah looga hortago dhibaatadii maleeshiyadaan ay la maaganaayeen inay ka gaystaan deegaankaas.

Sidoo kale Saraakiisha ayaa sheegay inay jiraan Argagixiso ka tirsan Al-Shabaab oo lagu dilay dagaalka ka dhacay Daynuunaay laakiin tirada khasaraaha ay dib ka faah-faahin doonaan.

Wararka ka imaanaya Deegaanka Daynuunay oo ku yaala Bariga magaalada Baydhabo ayaa sheegaya in Maleeshiyadaan ay kala firxadeen ka dib markii laga hortagay dhibaatadii ay la maaganaayeen shacabka.

Ciidanka xoogga dalka ayaa xili kasta u taagan difaaca shacabka Soomaaliyeed, iyadoo dhanka kale Argagixisada Al-Shabaab hadafkooda ugu wayn uu yahay Laynta iyo Boobka Dadka Soomaaliyeed.

Did you like this? Share it:

LEAVE A REPLY

Please enter your comment!
Please enter your name here