Askar ka tirsan ciidamada Niger oo lagu dilay weerar ka dhacay gudaha Dalkaasi

Wasaaradda gaashaandhiga ee Niger ayaa sheegtay in 15 askari oo ka tirsan ciidamada Ammaanka lagu dilay weerar ka dhacay koofurta galbeed ee wadankaasi gaar ahaan meel ku dhaw xadka ay la wadagaan dalka Burkina faso.

Ciidamada oo ku sugnaa deegaanka toroid oo ka tirsan gobalka tillaberi ayaa waxaa weerar gaadmo ah ku soo qaaday koox hubeysan iyadoo sida la sheegay ay xigeen qarax xooggan.

Sarkaal ka tirsan ciidamada ayaa warbaahinta uu sheegay in sidoo kae weerarkaasi lagu dhaawacay todobo Askari.

Ciidamada ka tirsan kuwa malateriga Niger ayaa soo gaaray goobta uu weerarka ka dhacay iyagoo baadi goobaya kooxda duulaanka soo qaaday oo sida ay shegeen  xiriir la leh ururada Al-qaacida iyo Daacish.

Kooxda ayaa la sheegay in weeraro ay ka fuliyaan gobalka iyagoo inta badan ku sugan xuduudka saddex xagalka ee ay wadaagaan Niger,malli iyo Burkina Faso.

Dad gaaraya 30 ruux oo ka mid ah dadka deegaanka ayaa lagu dilay todobaad ka hor labo weerar oo ka dhacday gobalka oo lagu eedeeyay in ay ka dambeeyaan maleeshiyaadkaasi xiriir la leh Ururada Mintidiinta ah.

Faransiiska ayaa waxaa galbeedka qaaradda afrika ka jooga ilaa iyo 5,000 oo Askari oo dalalkaasi ka caawiya la dagaalanka kooxaasi oo kumanaan ruux ku dilay galbeedka Afrika.