Awdheegle: Guri lagu diyaarinayay walxaha Qarxa oo la bur buriyay

316

Maamulka Gobalka Shabelaha Hoose ayaa faah faahin ka bixiyay howlgallo ka dhan ah maleeshiyada Argagixisada ee Al-Shabaab iyo qasaaraha loogu geystey howlgalkii ugu dambeeyay ee laga fuliyay Awdheegle.

 

Guddoomiyaha Gobalka Shabeelah Hoose Mudane Maxamed Ibraahim Barre oo la hadlay Radio Muqdisho ayaa tilmaamay in howlgallada ay yihiin mid si xowli ah ku socda oo dhanka xeebta ka socda, isagoo intaa ku daray in haatan la bilaabay howlgallo Nabad diidka looga sifeeynayay wadada dheer ee isku xirta N0 50 ilaa iyo Shalaanbood halkaasi oo lagu dilay tiro ka mid ah Al-Shabaab.

“Degmada Awdheegle waxaa lagu weeraray guri ay ku diyaarinayeen waxyaabaha qarxa oo dhaca dhanka webiga, kaasi  oo ay doonayeen inay ku dhibaateeyaan shacabka, waxaa lagu dilay kuwii la rabay inay is qarxiyaan, sidoo kale waxaa la bur buriyay qaraxyadii ay maleegayeen, iyadoo bar isbaaro u tiilay lagu dilay kuwii joogay, guud ahaan tirada looga dilay weerarka Awdheegle waa 20” ayuu yiri Guddoomiyaha Gobolka Shabeelaha Hoose.

Ciidamada xoogga dalka ayaa xoojiyay howlgallada lagu bartilmaameedsanayo argagixisada Al-Shabaab, si looga hortego dhibaatada ay ku hayaan shacabka.

 

 

Did you like this? Share it:

LEAVE A REPLY

Please enter your comment!
Please enter your name here