Baarlamaanka Dowlad Goboleedka Puntland oo doortay Guddoomiyaha Xafiiska Xuququl insaanka Puntland “Sawirro” .

Baarlamaanka Puntland ayaa maanta u fariisatay Doorashada Guddoomiyaha Xafiiska Difaacaha Xaquuqul aadanaha Puntland oo ay u tartamayeen sadex Musharax oo kala ah Garyaqaan Saciid Cabdi Muumin , Garyaqaan Faysal Mahdi Cali iyo Maryam Axmed Cali oo horay u soo noqotay wasiirka Haweenka Puntland.

Waxaana soo xadirtay fadhigaani maanta 62 Mudane iyadoona Baarlamanka Puntland uu ka kooban yahay 66xildhibaan waxaana shir Guddoominayay Guddoomiyaha Golaha wakiilada Puntland Abwaan C.rashiid Yusuf Jibriil.

Doorashada oo ahayd Habka qarsoodiga ah ayay wareega koowaad kala heleen Musharaxiintu.

Maryam Axmed Cali 31
Saciid Cabdi Muumin 28
Faysal Mahdi Cali 3 cod.

wareega labaadna waxaa isu so baxay Saciid Cabdi Muumin iyo Maryam Axmed Cali kuwaasi oo helay wareegoodi labaad Codad siman oo ah midkiiba 31cod taasi oo sababtay in loo Gudbo wareeg sadexaad.

Siciid Cabdi Muumin ayaa gabagabadii noqday guddoomiyaha cusub ee xafiiska xuquuqul insaanka Puntland kadib markii kaga Guulaystay Maryam Axmed cali 34 cod Halka Maryana ay heshay 28 Cod wareegii saddexaad.

LEAVE A REPLY

Please enter your comment!
Please enter your name here