Baarlamaanka oo ka doodaya Hindise sharciyeedka Isgaarsiinta Qaranka iyo arrimo kale

Baarlamaaanka Federaalka ah ee Soomaaliya oo maanta kulan ku leh xarunta Golaha Shacabka ayaa kaga doodi doono hindishe sharciyeedka Isgaarsiinta Qaranka oo meel gabo gabo ah maraya iyo su’aallo weydiinta Wasiirka Waxbarashada iyo tacliinta sare.

Xildhibaan Maxamed Cumar Maxamuud Habdhowraha baarlamaanka Federaalka ah ee Soomaaliya oo la hadlay Radio Muqdisho ayaa sheegay in kulanka maanta looga hadlayo labo ajande oo kala ah ka doodista hindise sharciyeedka Isgaarsiinta Qaranka iyo in ay Xildhibaannady ay su’aallo weydiiyaan Wasiirka Tacliinta sare.

“Maanta oo Isniin ah waxaa jira shirka baarlamaanka, waxaa socotay doodad hindise sharciyeedka Isgaarsiinta Qaranka halkeeda ayaa laga sii wadayaa, maadaama ay dhimanyihiin Xildhibaanno is qoray oo aan weli aragtidooda ka dhiiban hindise sharciyeedkan iyo su’aallo weydiinta Wasiirka Waxbarashada oo shalay baarlamaanka hor timid” ayuu yiri Xildhibaan maxamed Cumar.

 

 

LEAVE A REPLY

Please enter your comment!
Please enter your name here