Baarlamaanka oo la horgeynayo qodobo ka mid ah dastuurka oo wax laga bedalay

Xukuumadda Soomaaliya ayaa sheegtay in dhawaan barlamaanka la horgeynayo Qodobada Dastuurka ku jira ee dib u eegista ay ku sameeyeen Guddiga Madaxa Banaan iyo Gudiga Dastuurka ee Baarlamaanka.

Afhayeenka Xukuumadda Soomaaliya Cabdisalaan Axmed Caato oo Warbaahinta kula hadlay xafiiska Ra’iisul wasaaraha Soomaaliya ayaa sheegay in Golaha wasiirada ay yeesheen shir aan caadi ahayn, kaasi oo diiradda lagu saaray wax ka badalka lagu sameeyay qodobo ka mid ah dastuurka KMG ah ee dalka.

“Shir aan caadi ahayn oo ay yeesheen golaha Wasiirada, uuna shir guddoominayay Ra’iisul wasaaraha Soomaaliya ayaa warbixinno looga dhageystay guddiga madaxa banaan ee dib u eegista dastuurka iyo guddiga dastuurka ee baarlamaanka, iyagoo golaha ka hor sharxay 10 qodob, oo ay ku jiraan kuwa farsamo, halka kuwa siyaadda dib loogu noqon doono, si looga qeyb geliyo dowlad goboleedyada dalka ka jira” ayuu yiri Cabdisalaan Caato.

Dastuurka  KMG ah ee dalka  oo ka kooban 15 cutub ayaa dhamaan u baahan in lagu sameeyo dib u eegis loo kala qaadayo arrimo farsamo iyo mid siyaasadeed oo u baahan in laga tallo geliyo maamul gobolyeedyada dalka ka jira.

 

LEAVE A REPLY

Please enter your comment!
Please enter your name here