Baarlamaanka oo meel mariyay hindise sharciyeedka Maxkamadda dastuuriga

0
2464

Guddoomiyaha baarlamaanka Federaalka ah ee Soomaaliya Mudane Maxamed Sheekh Cismaan Jawaari oo maanta shir guddoominayay kulankii maanta ayaa Xildhibaanada baarlamaanka markale xusuusiyay muhiimadda ay leedahay in ay wax ka badal ku sameeyaan dastuurka oo ay u codeeyaan, si loo badbaadiyo dsatuurka.

Guddoomiyaha Guddiga Dib u eegista dastuurka KMG ee baarlamaanka Xildhibaan Maryan Cariif Qaasim ayaa sidoo kale mudanaasha ka codsatay inay badbaadiyaan dastuurka oo ay wax ka badal ku sameeyaan, si loo meel mariyo.

Xildhibaanada baarlamaanka ayaa guda galay u codeynta Hindise sharciyeedka Maxkamadda Dastuuriga oo soo maray marxalado kala duwan, waxaana codeyn gacan taag ah ku ogolaatay 148 mudane sida uu ku dhawaaqay Guddoomiyaha baarlamaanka Federaalka ah ee Soomaaliya Mudane Maxamed Sheekh Cismaan Jawaari.

Xildhibaanada ayaa u codeeyay in wax ka badal lagu sameeyo hindise sharciyeedka dhismaha guddiga Madaxa banaan ee xuduudaha iyo Federaalka, si loo kordhiyo muddada jiritaanka guddiga, maadaama sharcigaas uu farayo qodobkiisa 10-aad in guddiga uu la dhamaanayo jirintaanka madasha sagaalaad oo ah baarlamaanka hadda dhisan, waxaana Xildhibaanada ay u codeeyeen jiritaanka guddiga baarlaamanka tobnaad oo ka dhigan in uu sii shaqeynayo ilaa iyo 2020-ka.

Dhaka kale Xildhibaanada Baarlamaanka Soomaaliya ayaa maanta mariyay akhrinta koowaad hindise sharciyeedka kheyraadka biyaha, iyadoo baarlamaanka ay horkeentay Wasaaradda tamarta iyo biyaha, waxaana Xildhibannada hor tegay Wasiirka Tamarta iyo biyaha ee Xukuumadda Soomaaliya Maxamed Mursal Sheekh Cabdiraxmaan oo Xildhibanada u sharxay muhiimadda uu sharcigan u leeyahay.

 

Did you like this? Share it:

LEAVE A REPLY

Please enter your comment!
Please enter your name here