Baarlamanka Galmudug oo ansixyay Dasturka maamulkaas

Kadib maalmo xiriir ah oo Baarlamanka dawlad goboleedka Galmudug ay dib u eegis iyo wax ka badalis ku wadeen Dastuurka maamulkaas ayaa maanta waxa aysi rasmi ah u wada ansixiyeen Dastuurka Galmudug.
Kulanka baarlamanka oo ay soo xaadireen 51-Xildhibaan ayaa waxaa shirgudoominayay Gudoomiyaha Baarlamanka Galmudug Cali Gacal Casir, waxaana gacantaagga ka dib najiijada ku dhaqaaway gudoomiyaha.
“Waxaa ansixisay Dastuurka oo gacantaag ku ogolaaday 46-Xildhibaan, waxaa diiday 5-Xildhibaan, wax ka aamusanayna malahan, sidaas ayuu Baarlamanku maanta uu ku gutay waajibaadkiisii, si rasmi ah ayuu Baarlamanku u ansixiyay, waxa ku xigaa waa in dadwaynuhu mar dambe ansixiyaan, ka bacdina Baarlamanka waxaan u qaybinay xeerhoosaadkii muddo 3-bari ah ayaan siinay si ay u soo aqriyaan” ayuu yiri Gudoomiye Cali Gacal.
Ansixinta Dastuurka Galmudug ayaa ah talaabo muhiim ah oo dhismaha dawlad goboleedkan xoojinaysa, taas oo Baarlamanka u fududaynaysa inay xeerhoosaadkooda iyo gudiyada joogtada ah meel mariyaan.

 

LEAVE A REPLY

Please enter your comment!
Please enter your name here