Baarlamanka oo ka dooday Been Xalaalaynta Lacagaha iyo Maalgalinta Argagixisada

Kulanka Barlamanka ee maanta waxaa shir guddoominayay Guddoomiye kuxigeenka koowaad ee Baarlamaanka Soomaaliya Jaylaani Nuur Iikar iyadoo looga hadlay Ajandayaasha kala ah ka hortagga Been Xalaalaynta Lacagaha iyo Maalgalinta Argagixisada.

Xildhibaanada Golaha Shacabka ayaa Su’aalo weydiiyay Wasiiru Dowlaha Wasaaradda Maaliyadda Xukuumadda Soomaaliya iyadoo kulankaas ay Soo xaadireen 143 mudane Baarlamaan.

Wasiiru dowlaha Wasaaradda Maaliyadda Cabdullaahi Maxamed Nuur oo ka hor hadlay Baarlamaanka ayaa sheegay in Sharciga ka hortagga Been Xalaalaynta Lacagaha iyo Maalgalinta Argagixisada uu muhiim uyahay  lacagaha sida sharci darrada ah loo daabaco isagoo ka codsaday Barlamaanka in ay Sharcigaan Meel mariyaanka

Xildhbaannada Baarlamaanka ayaa billaabay iney talooyinkooda ku Biiriyaan sharciga, waxaana ay Wasiirka weeydiiyeen su’aallo balse Tallooyinka Xildhibaannada waxey ku qotomeen in si gaar ah looga feejignaado inaanay sharcigan saameyn ku yeelan dadka gudaha ku nool ee dibadda lacagaha looga soo diro, balse in laga hortago ay tahay lacaga sida sharci darrada ah loo daabaco.

Golaha Wasiirrada Xukuumadda Federaalka Soomaaliya ayaa Ansixiyey Hindise Sharciyeedka ka hortagga been xalaalaynta lacagaha iyo maalgelinta argagixisada 16’ka bishii June ee sannadkan 2015 waxaana sharcigaan oo ka kooban 50 qodob samentiisa loo cuskaday qodobada 99aad iyo 102aad ee Dastuurka Dalka, ayadoo u jeedaduna tahay in la xakameeyo lacagaha sida sharci darrada ah loo daabaco iyo la socodka lacagaha la isku diro taasi oo si gaar ah looga ilaalinayo in loo adeegsado Maalgalinta argigixisada.