Banaadir oo Barbaro Gashay iyo Kala Horeynta Horyaalka Soomaaliya

2325

Kooxaha Banaadir iyo Heegan ayaa ku kala baxay 1-1 kulankii 11-aad ee horyaalka premier Somalia

Ciyaarta oo ahayd mid xiiso badan ayaa waxaa qaybtii hore lagu kala nastay 0-0 balse qaybtii danbe markii dib la isugu soo laabtay ayaa hogaanka ciyaarta waxaa qabatay Heegan oo hal kulan ka adkaatay Banaadir sagaalkii kulan ee ugu danbeyay oo ay la ciyaartay kooxda ka dhisan warta nabada ex wardhiigley.

Labada kooxod ayaa waxaa u dhexeyay hal dhibic oo quraa oo ay sareysay kooxda Banaadir hase yeeshe Heegan ayaa dooneysay in booska sadexaad ay ka gasho kooxda Banaadir balse waa arintaasi diiday Marcel Odiamo oo weerarka ugu ciyaara kooxdaasi kaasi oo ka dhaliyay gool bulusyoon ahaa uu ka soo tuuray meel qayaastii aad ugu fogeyd goosha Heegan daqiiqadii 92-aad ee dhamaadka ciyaarta.

Banaadir ayaa fursad u heshay kadib markii dhaawac garoonka looga saaray goolhaye Mustaf oo qaranka goosha u waardiyeeyo waxaana dhaawaca uu ku Mustaf qasaray ugu yaraan Todobo daqiiqo oo waqtigii ciyaarta loogu tala galay ahaa.

Waqtiga lumay awgii ayeey garsoorayaasha ciyaarta dhex dhexadinayay ay ku dareen sagaal daqiiqo oo dheeri ah taasi oo ay ula jeedan waqtigii lumay dhawacii goolhaye Mustafa iyo kii loogu tala galay ee dheeriga ahaa waxaana Banaadir oo gool lagu lahaa kana faa.ideysanaysa sagaalka daqiiqo ay qaaday weerar aanan kala go,o lahayd labadii daqiiqo ee ugu horeysay ayeeyna heshay goolkii barbaraha ahaa guud ahaana ciyaarii waxay ku soo idlaatay 1-1 waxaana dib ay u xuseen kulankii wareegi hore oo labada kooxod ay kula baxeen natiijo sidaan oo kale ah.

Kooxaha Banaadir iyo Heegan ayaa inta badan looga bartay kulamadooda barbaro ayadoo tobankii kulan ee ugu danbeyay lix ka mid ah waxay ku kala tageen barbaro lixda barbaro oo ay galeen labadaan kooxod tobankii kulan ee ugu danbeeyay ayaa ah in ay ku kala tagaan sadex ka mid ah 1-1 halka sadexda kale ay ku dhameysteen goolal la,aan.

Kooxda Banaadir ma dhicin in ay adkaato afar kulan oo is xigta tan iyo markii uu bilowday horyaalka soomaaliya waxaana mar walba oo ay adkaato sadex kulan oo xiriir waxay la kulmaysay kooxda wadada u gasho oo ka adkaata ama barbaro ku celisa taasi ayaana sidoo kale galabta dhacday Kala horeynta horyaalka kaalimaha sadexaad iyo afaraad oo ay ku kala jireen labada kooxod waxba iskama badalin.

Heegan kulan soo socda waxay la ciyaari doonta kooxda Madbacadda oo berito la ciyaari doonto kooxda Horseed halka kooxda Banaadir ay la ciyaari doonta kooxda Waxool oo guuldaro kala soo kulantay kooxda Dekadaha.

                          KALA HOREYNTA HORYAALKA SOOMAALIYA

Did you like this? Share it:

LEAVE A REPLY

Please enter your comment!
Please enter your name here