Bankiga Adduunka oo caddeeyay in Soomaaliya ay diyar u tahay fulinta dhaqaalaha loo qoondeeyay

3588

Puteri Watson oo ka tirsan Bankiga Adduunka oo wareysi gaar ah siisay Warbaahinta Qaranka ayaa shaaca ka qaaday in Soomaaliya ay xilligan isbedel balaaran ka sameysay hannaanka Maaliyadda dalka sanadihii u dambeeyay, ayna tahay tallaabo ku dhiiri gelisay inay halkan ka fuliyaan mashaariic kala duwan.

Puteri Watson ayaa ugu horeyn la weydiiyay su’aal ahayd, inay sharaxaad ka bixiso mashariicda uu Bankiga Adduunka ka wada Soomaaliya?

Jawaab: Bankiga Adduunka ee Soomaaliya waxaa uu udub dhexaad u yahay in 10 deeq bixiye dhaqaalaha u soo marsiiyaan Soomaaliya, waxaana uu ka kooban yahay saddex tiir kan koowaad waa dhismaha xoojinta hey’adaha dowliga, kan labaad xoojinta hey’adaha Maaliyadda, halka kan saddexaad uu yahay kobcinta dhaqaalah reer miyiga iyo soo kabashadooda.

Waxaa sidoo kale sameysaa xog aruurin iyo taxliilin oo aas aas u noqon karta mustaqbalka barnaamijyada maaliyadda ee Soomaaliya, ma ahan oo kaliya bankiga adduunka guud ahaan horumarinta deeq bixiyeyaasha.

Su’aal: Tababbarka maanta muxuu salka ku hayaa?

Jawaab: Tababarkan guud ahaan waxa uu ku saabsan yahay ka hadalka waxyaabihii qabsoomay, gaar ahaan barnaamijka deeq bxiyeyaasha badan ee loo yaqaano MPF kaas oo ah sidii loo heli lahaa in hoggaanka barnaamijyada ay noqoto dowladda Soomaaliya, isla markaaana dowladda ay u hanan la heyd maamulka iyo mareynta hey’adaha maaliyadda dalka.

Sidaa awgeed tababbarkan waxaa uu quseeya sida fariimahaas looga miro dhalin karo, sida loo gaarsiin lahaa cidda ay quseyso, waxaana kala hadlaynaa dadweynaha Soomaaliyeed, madaxda dowladda, mas’uuliyiinta barnaamijyada bankiga Adduunka iyo BA qudhiisa.

Su’aal: Imisa maalin ayuu socon doona barnaamijkan?

Jawaab: Labo maalin ayuu socon doonaa kan hore madaxda dowladda iyo kooxaha ka shaqeeya mashruuca BA ayaa loo qabanayaa, maalinta labaadna waa warbaahinta iyo ururada bulshada rayidka ah ayaa lagu casuumayaa si ay dhankooda door ugu yeeshaan.

Su’aal: Goormee la aas aasay barnaamijka deeqbixiyeyaasha badan?

Jawaab: Barnaamijkan deeq bixiyeyaasha badan waxaa la sameeyay 2012 ilaa waqtigaas horumar balaaran ayaa la gaaray, horumarinta dhsimaha hey’adaha iyo maareeynta maaliyadda dalka ilaa hadda waxaa haynaa 52 milyan doolar oo kal hore la gaarsiiyay hey’adaha maaliyadda dowladda Soomaaliya.

Waxaa jira barnaamij guud ahaan ay ku baxday 105 milyan oo doolar oo ay maamushay dowladda Soomaaliya, waxaana rajo ka qabnaa in  la sii kordhin doono.

Su’aal: Kalsooni intee la eg ayaad ku qabtaan in barnaamijkan uu mira dhalo?

Jawaab: Sida aan ka aragnay ilaa iyo hadda ajendayaasha dowladda waxaan ku kalsoonnahay in ay fulin karaan mashaariicda, taas ayaana nagu dhiiri gelisay howshan.

Wareysigan waxaa qaaday oo turjumay: Cali Cabdiraxmaan Aadan Cali PK

Did you like this? Share it:

LEAVE A REPLY

Please enter your comment!
Please enter your name here