Barakacayaasha ku nool Beledweyne oo ka cabanaya hoy iyo cuno la’aan

Maamulka gobolka Hiiraan ayaa sheegay in xaalad nolol xumo ay soo wajahday dadka barakacayaasha ee ku sugan magaalada Beledweyne ee xarunta gobolka Hiiraan.

Guddoomiye ku xigeenka arrimaha bulshada gobolka Hiiraan mudane Sheekh Xuseen Cismaan Cali ayaa sheegay in dadka ka soo barakacay deegaano kala duwan oo dalka ka tirsan ee ku nool magaalada Beledweyne ay heysato Hoy la’aan iyo cuno yari waxa uuna hay’adaha ka shaqeeya arrimaha gargaarka ugu baaqay in ay soo gaarsiiyaan gargaar deg deg ah si dadkaas dhibaateeysan loo caawiyo.

Guddoomiyaha ayaa sidoo kale dowladda Soomaaliya ka codsaday in lala xisaabtamo hay’adaha gargaarka si ay u gutaan waajibaadka ka saraan arrimaha gargaarka.

LEAVE A REPLY

Please enter your comment!
Please enter your name here