Barlamaanka Somalia oo codka Kalsoonida sabtiga u qaadaya golaha wasiirrada

1633

Guddoonka Barlamaanka Federaalka Somalia, ayaa go’aamiyey in horraanta todobaadka soo socda Ra’iisul wasaaraha Somalia uu Barlamaanka hor keeno golahiisa wasiirrada cusub iyo barnaamijka Xukuumadda.

Guddoomiye ku xigeenka Labaad ee Barlamaanka Federaalka Soomaaliya, Mudane Mahad Cabdalla Cawad oo ka hadlay go’aanka guddoonka Barlamaanka ayaa yiri “Guddoonka waxa uu soo saaray in maalinta sabtiga ah ee soo socota in Ra’iisul wasaare Cumar Cabdirashiid uu Barlamaanka horkeeno golaha wasiirrada cusub iyo barnaamijka Xukuumadda oo koonan iyadoo lagu guda jiro dhammaadka kalfadhiga Shanaad ee Barlamaanka Somalia”.

Guddoomiye labaad ee Barlamaanka ayaa hadalkiisa intaa ku daray in mudaneyaasha ay kulankaasi ka soo qeyb-qalaan si Codka Kalsoonida loogu qaado Xukuumadda cusub ee uu soo dhisay Ra’iisul wasaaraha Somalia.

Ugu dambeyntii waxa uu sheegay Guddoomiye ku xigeenka labaad ee Barlamaanka in 31-ka Bisha mach ee soo socoto ay guddiga joogtada Barlamaanka go’aamiyeen in Ra’iisul wasaaraha Somalia uu soo gudbiyo barnaamijka Xukuumaddiisa oo faah-faahsan.

Did you like this? Share it:

LEAVE A REPLY

Please enter your comment!
Please enter your name here