Barnaamijka Nugliyeerka Iran oo heshiis hor u dhac laga gaaray

Wada hadaladii ku saabsanaa barnaamijka Nugliyeerka dalka Iran ayaa laga gaaray heshiis hor u dhac ah maanta oo Talaado ah,balse waxaa la is weydiin karaa ma awoodi doonaan dalalka aduunka in ay Iiraan ka hor istaagaan helitaanka awood Nugliyeer hab diblomaasiyadeed? Inkastoo labada dhinac isku raaceen in la sii wado wada xaajoodka.

Heshiiskan ku meel gaarka ah oo u dhaxeeya Iran iyo dalalka Lixda ah ayaa socon doona ilaa maalinta Jimcaha ee soo socota si loo gaaro heshiis kama dambeyn ah sida laga soo xigtay wafdiga Mareykanka.

” Waxaan sameynay horumar dhinac kasta ah,laakiin shaqadab waa mid farsamo iyo shaqo ay u dhan yihiin wadamadan oo dhan ,” sidaa waxaa sheegay afhayeenka wafdiga Mareykanka Marie Harf.

” Waxaan si niyad ah ugu walacsan nahay tayada heshiiska waa sidii saacadii oo kale,sidaa darteed waa go’aan adag oo aan si fufud lagu gaari Karin waana sababta aan u sii wadayno wadahadalka,”  ayay hadalkeeda ku dartay.

Madaxa siyaasadda Midowga Yurub gabadha lagu magcaabo Federica Mogherini ayaa sheegtay in heshiiskan uu calaamad rajo u yahay guud ahaan caalamka.

Wasiirka arimaha dibadda ee dalka Iran Mohammad Javad Zarif ayaa yiri ” heshiiskan ma ahan mid u dhameystirin  qof kasta ”, laakiin waa mid wax ku ool ah isla markaana lagu gaari karo mid kama dambeyn ah “.

Wasiirka ayaa sidoo kale waxaa uu ku tilmaamay heshiiskan mid taariikhi ah.

Wasiirada arimaha dibadda iyo saraakiil ka socoda dalka Iran iyo xubnaha loo yaqaano  P5+1 oo ay kamid yihiin Britain, China, France, Germany, Russia iyo Mareykanka ayaa ku kulansanaa magaalada  Vienna ee dalka Austria si ay heshiis ula gaaraan  Iran.

Heshiiskan hor u dhaca ah oo ka kooban 80 bog ayaa waxaa dhaqan galkiisa laga shaqeyn doonaa muddo 13 sano ah.

In baariyaasha Qaramada Midoobay loo ogolaado in ay la socdaan dhaq dhaqaaqa xarumaha militiri ee dalka Iran.

In Iran ay ogolaatay in xayiraada laga qaaday lagu soo celin maro haddii ay ku xad gudubto heshiiska muddo 65 maalmood ah.

Arinta lagu muransan yahay oo heshiiskan adkeysay ayaa waxaa kamid ahaa barnaamijka gentaalada balaastiga ah ee dalka Iran iyo cunaqabateynta hubka ee saaran.

Wasiirka arimaha dibadda ee dalka Ruushka Sergei Lavrov ayaa sheegay in heshiis lagu gaari doono maalmaha soo socoda isla markaana is faham laga gaaray sidii xayiraada looga qaadi lahaa dalka Iran.