Batuulo Sh. Axmed Gaballe “Oohin dambe iyo calaal dambe waa naga dhamaaday, waxaan diyaar u nahay inaan ciidamada qalabka sida safka hore la galno”

Guddoomiyaha Ururka Haweenka Qaranka Soomaaliyeed Batuulo Sheekh Axmed Gaballe ayaa hooyooyinka ugu baaqday inay u soo baxaan dagaalka ka dhanka ah cadawga ummadda ee Al-Shabaab, si guud ahaan looga ciribtiro dalka.

Batuulo Sheekh Axmed Gaballe, Guddoomiyaha Ururka Haweenka Qaranka

Guddoomiyaha oo ka hadleysay isu soo bax looga soo horjeeday falkii argagixisada Al-Shabaab ay ku xasuuqeen shacab Soomaaliyeed oo ku sugnaa isgoyska Ex-koontarool Afgooye ayaa sheegtay in haweenka looga fadhiyo kaalinta ay ku leeyihiin ciribtirka

“Hadaan nahay Ummadda Soomaaliyeed, gaar ahaan Haweenka Soomaaliyeed oo markasta ay ilmada, hagar daamada iyo calool xumada ayna badeen argagixisada adduunka iyo calooshood u shaqeystayaasha dhogorta nooga eg ee ku qaraabta magaca diinta Islaamka, kuwaasi oo ku faanaya daadinta dhiiga carruurta, haweenka iyo guud ahaan shacabka Soomaaliyeed waa inaan ka hortegnaa oo aan ciidanka garab istaagnaa” ayay tiri Batuulo Sheekh Axmed Gaballe.

Batuulo Sheekh Axmed Gaballe ayaa tilmaamtay inay la safan doonaan ciidamada xoogga dalka Soomaaliyeed si guud ahaan dalka looga ciribtiro, isla markaana aan loo dulqaadan doonin in Hooyo Soomaaliyeed ay qaaddo asaay, waxaana ay intaa ku dartay in carruurta ay qaldeen dhagar qabayaaasha xoog looga soo furan doono.

Guddoomiyaha Ururka Haweenka Qaranka Soomaaliyeed Batuulo Sheekh Axmed Gaballe ayaa ugu baaqday dhallinyarada ay marin habaabiyeen Al-Shabaab inay isaga soo tegaan oo ay isu soo dhiibaan gacanta ciidamada qalabka sida si ay u helaan dhaqan celin, ayna uga waan toobaan daadinta dhiigga walaalahood Soomaaliyeed ee Muslimiinta ah.

 

LEAVE A REPLY

Please enter your comment!
Please enter your name here