Biladdii la guddoonsiiyay guddoomiye Muungaab oo la soo dhaweeyay

0
1982

Munaasabadan oo ahayd afur iyo casha sharaf ayaa waxaa lagu taageraye biladdii iyo shahaado sharafti uu Madaxweynaha Jamuuriyada Fedraalka Soomaaliya Mudane Xasan Sheekh Maxamuud guddoon siiyay Guddoomiyaha gobalka Banaadir ahna Duqa magaalada Muqdisho mudane Xasan Maxamed  Xuseen “Muungab” waxaa ka qeyb galay xubna kasocda maamulka gobalka, ururka haweenka Qaranka, ururka haweenka gobalka , Wasiirka haweenka Maamulka konfur galbeed Soomaliya, Fanaanin iyo qeybaha kala duwan ee bulshada.

Qaar kamid ah ka qeyb galayaasha Munaasada oo goobta kahadlay ayaa maamulka gobalka banaadir ku amaanay isbadalada horumarka leh ee ka jira magaalada Muqdisho Dahabo Sheekh Maxamuud ayaa kamid ah haweenki halkaasi kahadla.

“Waxaa ku garab taagan gabdhaha Soomaaliyed ee Wadaniyiinta ah, waxaanu naqaana waxaad gudi iyo waxaad gasho Muqdisho waa caasumadii Soomaliya, Soomaali waxaa tahay muwaadin dhab ah taarikhda ku xusi doonta, kumana ilaawi doono waligeyn, waan ku xasuusan.doonaa  maanta waxaa farxad weyn ii ahaay markii aan ku dabaal degnay meeshi calanka Soomaaliya lixdankii laga taagay waa horumar” ayay tiri Dahabo.

Kaaliyaha Arrimaha Haweenka iyo Qoyska ee duqa magaalada Faaduma Cabdiqaadir Ciise ayaa ku boorisay haweenka Soomaaliyed  in ay ka qeyb qaatan sidii loo dar dar galin lahaa Mashruuca dalkaaga dhiso si loo soo celiyo bilicdi ay laheyd magaalada Muqdisho.

“Haweenka iney ka bilaabi doonan contribution ugu horeeyay dalkaaga dhiso, haweenkuna ay kaalinta koowaad ka qeyb gali doonan, waxaan balan qaadeynaa inan dalkeena wax ka dhisan doono, wadada dheer ee uu guddoomiyuhu balan qaaday jidka Wadnaha ah ee la dhisayo  iney contribution ugu horeeysa haweenku diyaar u yihiin iney diyaariyen, kuna garab istaagan maalin taad dhagax dhigeyso” ayay tiri Faadumo.

Guddoomiye ku-xigeenka Ururka haweenka Qaranka Canab Xasan Cilmi ayaa dhankeeda Tilmaamtay in guddoomiyaha gobalka banaadir ahna Duqa magaalada Muqdisho Xasan Maxamed Xusen “Muungab” uu yahay mas’uul mudan in lagu daydo.

“Shan iyo labaatan sano kaddib Muungab waxaa ku kalifaya inuu go’aan geesinima ah qaato, waa xoogga dalka Soomaaliyed waxaa lagu soo barbaariyay inuu yahay ciidan inuu ahaa  Jeneraal inuu yahay geesi Dowladnimada waxey u baahan tahay geesinimo, Dowladnimada waxey u baahan tahay hadal go’aan leh,”.ayay tiri Canab.

1-dii bishan July ayey aheyd markii uu Madaxweynaha Jamuuriyada Fedraalak Soomaaliya Mudane Xasan Sheekh Maxamud uu bilad iyo shahaado sharaf guddoon siiyay guddoomiyaha gobalka Banaadir ahan Duqa magaalada Muqdisho mudane Xasaan Maxamed Xuseen “Muungab”. oo uu ku muteystay waxqabadkiisa.

Did you like this? Share it:

LEAVE A REPLY

Please enter your comment!
Please enter your name here