Bisha Cas Imaaraadka oo deeq afurin ah gaarsiisay Qoysas danyar ah “SAWIRRO”

1349

Hay’adda bisha cas ee dalka Imaaraadka Carabta ayaa maanta deeq afurin ah oo ka kooban  raashin biseyl ah oo ay ugu tala gashay qoysas badan oo ku nool degmooyinka Gobolka Benaadir ka qeybisay degmada Shangaani, halkaasi oo ay ka faa’iideysteen in ka badan 150-qoys., waxaana goobta lagu qeybinayay afurinta  ay goob joog ka ahaayeen Cali Cabdul Daacad oo ah sarkaal hay’adda ay u soo wakiilatay qeybtan deeqdaan iyo guddoomiyaha degmada Shangaani Axmed Xasan Yalaxow.

Ugu horeyntii waxaa goobta ka hadlay wakiilka hay’adda bisha cas Cali Cabdul Daacad oo tilmaamay in barnaamijkan uu qeyb ka yahay macaawino ay dowladda Imaaradaka ugu talagashay inay ku caawiso dadka Soomaaliyeed ee dhibaateysan, waxa uuna hoosta ka xariiqay in ay sii wadi doonaan macaawinada nuucaan oo kale ah oo ay gaarsiin doonaan degmooyinka kale ee gobolka.

Mudane daacad ayaa hoosta ka xariiqay in ay bisha cas imaaraadka ay kafaalad qaaday afurinta in ku dhaw 50,000 ( shan kun oo qof ), kuwaasi oo ku dhaqan degmooyinka gobolka, isla markaana deeq kale u qeybin doonaan waalidiinta aan carruurta xilliyada cidda dharka u iibin Karin.

Guddoomiyaha degmada Shangaani Axmed Xasan Yalaxow oo ka mahad celiay deeqda afurinta ee la soo gaarsiiyay degmadiisa ayaa xusay inay gaarsiiyeen caa’ilooyinka ugu liita ee degmada ku nool, is lamarkaana afurinta ay ku soo beegantay waqti loo baahnaa.

“Marka hore waan ka mahadcelineynaa deeqdan afurinta ah ee nala soo gaarsiiyay, runtii Imaaraadka Carabtu annaga haddii aan nahay maamulka Degmada Shangaani dadka kale waan uga sokeynaa, waayo Safaaradooda ayaa degmada ku taala, waxaan codsaneynaa kaalmooyin kale inay nala soo gaaraan, Warbaahintana looga fadhiyo inay tebiso sida Imaaraadku ay u garab taaganyihiin shacabka Soomaaliyeed” ayuu yiri Guddoomiyaha Degmada Shangaani.

Qoysaskii ka faa’ideystay  raashinka bisil ee afurinta ah ayaa uga mahad celiyay kaalmooyinka ay mar waliba la garab taaganyihiin  hay’adda bisha cas Imaaraadka Carabta dadka ku tabaaleysan degmooyinka gobolka Banaadir.

IMG_9543 IMG_9548 IMG_9552 IMG_9569 IMG_9584 IMG_9598 IMG_9617 IMG_9623 IMG_9627 IMG_9629 IMG_9633 IMG_9637

Did you like this? Share it:

LEAVE A REPLY

Please enter your comment!
Please enter your name here