Booliiska Dhuusamareeb oo faahfaahiyay qaraxyo ay gacanta ku dhigeen “Sawirro)

Ciidamada Amaanka Dhusamareb ayaa ku guulaystay inay Gacanta ku soo dhigaan Waxyaabaha Qarxa kuwaas oo ku diyaarsanaa Meel lagu aqriyey.

Taliska Booliiska Dhuusamareb ahana Taliyaha xasilinta caasimada Galmudug Gaashaanle Cabdullaahi Xasan Cali oo la hadlay Radio Muqdisho ayaa u sheegay in ay howlgal qorsheysan ku qabteen qaraxyadani kadib markii ay ka war heleyn

Taliyaha Booliiska  ayaa intaa ku daray in dadweynaha ay kala shaqeeyeen sidii gacanta loogu dhigi lahaa qaraxyadani ciidanka ay ku daba joogaan dhagar qabihii qarinayay ee qorshihiisu ahaa inuu ku waxyeeleeyo bulshada.

Taliye Cabdullaahi ayaa bulshada Dhuusamareeb uga mahad celiyay sida ay ula shaqeynayaan laamaha amniga waxaana uu tilmaamay inay u diyaar garoobeen ka hortaga dhagarta iyo dhibaatooyinka ay cadoowgu u maleegayaan dadka ku nool Dhuusamareeb.

Magaalada Dhuusamareeb ee xarunta Galmudug xiligaan waxa ay ku jirtaa marxalad ay u diyaar garoobayso doorashada Barlamaanka iyo madaxtooyada Galmudug waxaan heegan ku jira ciidanka amniga si ay u xaqiijiyaan amaanka doorashada.

LEAVE A REPLY

Please enter your comment!
Please enter your name here