Booliska Kenya oo xabsiga dhigay dad lagu tuhmayo dilka Gabar Soomaaliyeed oo ka dhacay Nairobi

Booliska Dalka Kenya ayaa afar Haween ah u taxaabay Xabsiga, kuwaas oo loo haysto kufsi iyo dil loo geystay Ismahaan Cabdisalaan oo maalmo ka hor ka dhacay Xaafadda Islii ee magaalada Nairobi.

 

Haweenka la qabtay ayaa waxaa ka mid ah Ismahaan eeddadeed oo lagu magacaabo, Nadiifo Maxamed, taas oo loo malaynayo in ay soo maleegtay shirqoolka lagu dilay Gabadha.

Gabadhan oo kasoo jeedda Soomaaliya, ayaa kufsiga iyo Jir-dilka lagu sameeyay ka sokoow waxaa loo Isticmaalay aashito, sida lagu daabacay maanta oo Jimca ah Wargeyska The Star ee kasoo baxa Dalka Kenya.

Ismahaan Cabdisalaan, oo ahayd 14 jir dhigata Fasalka Todobaad ee Dugsiga Dhexe ayaa ku noolayd Guriga Eeddeadeed Nafiifa xilligii la kufsanayay, sida ay sheegtay hay’adda xuquuqul Insaanka u doodda ee Florence Kanyua.

Guriga ay ka tirsanayd Ismahaan, oo ay sidoo kale ku noolaayeen, Rag badan, Haween iyo Carruur ayaa dhalisay tuhumada la xiriirta in Gabadhan keligeed la kufsado, kadibna la dilo, sida ay Boolisku sheegeen.

Waxa kale oo ay Boolisku shaki ka muujiyeen sababta keentay in la qariyo meydka Gabadha oo la la’aa muddo afar cisho ka hor inta aan la helin maalintii Sabtida.

Waxaa weli soconaya baarista kiiska la xiriira kufsiga iyo dilka Allaha u naxariistee Ismahaan Cabdisalaan, iyadoo dadkii gacanta ka geystayna la marin doono caddaaladda sida ay sheegeen Saraakiisha Booliska Kenya.

LEAVE A REPLY

Please enter your comment!
Please enter your name here