Boqolkiiba sagaashan Ka mida Qawmiyada Rohinga Oo Guryahoodii Ka Cararay

1281

Ugu yaraan 90 boqolkiiba Muslimiinta Rohinga ayaa guryahooda ka soo cararay gobolka Arakan ee wadanka Myanmar tan iyo bishii Agoosto waqtigaas oo ay bilaabantey tacadiyo ka dhana qowmiyada muslinka ah ee Rohinga

Kooxaha u dhaqdhaqaaqa Rohingaha  waxay kusoo waramayaan  in tirade  ay intaa ka  badan tahay qawmiyada Rohinga ayaa bilawdey inay ka cararaan  wadankooda ka dib markii mudo laga joogo lix bilood lagu bilaabay isir goyn taasoo ay wadeen ciidamda militariga wadanka Myanmar iyo kooxo Buudiyiin ah

Sida laga soo xigtay Ururka Caalamiga ah ee Dhakhaatiirta aan Xuduuda lahayn MSF   ugu yaraan 9,000 Rohingyas ayaa lagu dilay gobolka Arakan bil gudaheed bishii Agoosto 25, sida ay kusoo waramayaan warbaahinta maxaliga  ah iyo kuwa caalamiga ahba in ay ku dhinteen kumanaan qof. Kumanaan qofna ay ku noolyihiin wadanka dariska la ah ee  Bangladesh

Dhanka kale, wasiirada arrimaha dibedda ee wadamada Midowga Yurub ayaa isku raacay in ay diyaariyaan cunaqabateyn la saaro hoggaamiyeyaasha ciidamada ee  Myanmar kuwaasoo la aaminsanyey inay ka dambeeyaan  dilka loo geysto Muslimiinta Rohingya

Sidoo kale  in la xoojiyo xayiraadda hubka ee saran Myanmar

Baaqan ka soo baxay midawga yurub ayaa ah talaabadii ugu wayneyd ee ay ka qaadaan midawga yurub mudadii lixda bilood ahayd ee xaalada adagi ka taagneyd wadanka Myanmar

Did you like this? Share it:

LEAVE A REPLY

Please enter your comment!
Please enter your name here