Boqollaal arday oo u fariisatay wajiga kowaad ee imtixaanka qabuulka ee Jaamacadda Capital “Sawirro”

Waxaa Xarunta Jaamacadda Capital ee Soomaaliya ka bilowday wajiga koowaad ee Imtixaanaadka ogolaanshaha Waxbarshada Kuliyadaha kala duwan ee Jaamacadda,  ardeyda imtixaanka u fadhiisatay ayaa wajiyadooda laga dheehan karay farxad aad u sarreysa iyo qanaacad ay ku qabaan jaamacadda Capital.

Imtixaanka oo lagu galay hoolal waaweyn oo jaamacaddu u diyaarisay ayaa waxaa kor joogayaal ka ahaa macallimiinta jaamacadda ayadoo isla markaana ay kormeer ku joogeen madaxda Capital University oo go’aansaday inay waqtigooda qaaliga ah geliyaan habsami u socodka imtixaanka lagu soo galayo jaamacadda, arrintan oo dhiirrigelin u ahayd ardaydan cusub ee dugsiga sare ka soo baxday.

Intii uu socaday imtixaanka ayaa waxa soo kormeeray guddoomiyaha Jaamacadda Capital Dr. Abdulkadir Wehliye Afrah, gudoomiyaha Mu’assasada (Capital Foundation) Dr. Ahmed Ga’al Ali (carabow). Waxaa ku wehelinayay howsha kormeerka  Dr. Ahmedrashid Hanafi oo ah Professor caan ah oo ku xeel dheer arrimaha waxbarasha dalkan Soomaaliya oo uu muddo fog ku dhex jiray, gaar ahaan tacliinta sare isagoo wax ka soo dhigayay Jaamacadaha dalka.

Khabiir Dr Ahmedrashiid Hanafi ayaa ugu hambalyeeyay ardaydan go’aansatay inay sii wataan waxbarashadooda heerka Jaamacadeed waxa uuna ku boorriyay inay labalaabaan dadaalkooda si ay uga miro dhaliyaan tacliinta sare ee ay doorteen ayagoo la imaanaya dadaal iyo dul qaad dheeri ah. “waxaad haysataan fusad qaali ee waa inaad ku dadaashaan oo aad xoogga saartaan waxbarashda, aadna ogaataan in dalka iyo dadka Soomaaliyeed ay idinka sugayaa inaad ka saartaan burburka iyo dib u dhaca” ayuu Dr Hanafi ku soo gabagabeeyay hadalkiisa.

Ugu dambeynt maamulka jaamacadda Capital ayaa u hambalyeeyay ardayda cusub wuxuuna ku boorriyay inay u diyaar groobaan socdaalka dheer ee wax barasho lana yimaaddaan dadaal dheeraad ah si ay u gaaraan himilooyinkooda.

?????
?????
?????
?????
?????
?????
?????
?????
?????
?????
?????
?????
?????
?????
?????
?????
?????
?????
?????
?????

 

LEAVE A REPLY

Please enter your comment!
Please enter your name here