Bulshada Gobolada dhexe oo loogu baaqay dib u dhiska xarumaha danta guud

1754

Gudoomiyaha gobolka Galgaduud iyo Xildhibaan Jawaahir Axmed Cilmi ayaa maanta waxaa ay kormeereen xarumaha maamulka Gobolka ee ku yaalla degmada Dhuusamareeb oo iminka dib u dayactir lagu sameynayo, iyadoo ay iska kaashayaan dib u dhiskaasi Dowladaha Soomaaliya iyo Norway.

Xildhibaan Jawaahir iyo Guddoomiyaha ayaa markii ay gaareen xarumaha dib u dhiska lagu sameynayo waxa ay soo indho indheeyeen sida ay u socoto howlaha dib loogu soo nooleynayo xarumihi ay lahayd maamulka oo muddo ka badan 20 sano aan la dhisin, iyagoo warbixino ka dhageystay qaar ka mid ah howlwadeenadii gacanta ku hayay dhismaha.

Guddoomiyaha Gobolka Galgaduud Xuseen Cali Wehliye Cirfo oo kormeerka kaddib la hadlay Warbaahinta ayaa uga mahadceliyay dowladda dhexe ee Soomaaliya iyo dowlada Norway oo arrinta dhismaha iska kaashanaya, isagoo xusay in ay xoogga saari doonaan horumarinta adeegyada bulshada ee Gobolka.

Xildhibaan Jawaahir Axmed Cilmi ayaa ugu baaqday bulshada Soomaaliyeed iyo dowladda inay gacan ka geystaan dib u dhiska xarumaha danta guud ee loogu adeegayo bulshada, iyadoo tilmaamay in tallaabooyinka ay gacan ka geysan karaan horumarinta guud ahaan gobolka.

Did you like this? Share it:

LEAVE A REPLY

Please enter your comment!
Please enter your name here