Bulshada Gobolka Mudug oo ku baaqay in la joojiyo Colaadda ka jirta Xeraale iyo Cadalle

Kulankaan oo ahaa mid lagu dalbanayay joojinta colaad beeleedyada ka jira deegaanka Xeraale ee Gobalka Galguduud iyo Degmada Caddale ee Gobalka Shabeelaha Dhexe ayaa maanta lagu qabtay magaalada Gaalkacyo ee xarunta Gobalka Mudug.

 

Kulanka oo ay ka qeyb galeen qaar ka mid ah waxgaradka iyo ganacsatada Gobalka Mudug ee Galmudug ayaa waxaa dhamaan xubnihii ka hadlay ay wax laga xumaado ku tilmaamen dagaaladii maalmihii u dambeeyay ka dhacay Xeraale iyo Cadddale kuwaasi oo sababay khasaare isugu jira dhimasho iyo dhaawac, waxayna ugu baaqeen dowlad gobaledyada Hirshabeele iyo Galmudug in ay u istaagaan dhameynta colaadaasi.

Guddoomiyaha Guddiga Nabad gelyada Gobalka Mudug Suldaan Cabdinaasir Jaamac Seed oo isna gunaanadkii kulanka ka hadlay ayaa ka codsaday dowladda Federaalka Soomaaliya in ay ka caawiso maamulada Galmudug iyo Hirshabeele soo af jaridda colaadaha ka jira Xaraale iyo Caddale

Did you like this? Share it:

LEAVE A REPLY

Please enter your comment!
Please enter your name here