Bulshada iyo hay’adaha samafalka oo loogu baaqay inay ka qeyb qaataan u gurmashada dadka ay abaaruhu saameeyeen “SAWIRRO”

Shir jaraa’id oo magaalada Muqdisho ay saxaafadda ugu qabteen guddiga gurmadka Abaaraha ee dowladda Soomaaliyeed iyo Ururada bulshada rayidka kadib kulan ay yeesheen oo ay uga hadleen abaaraha ka jira qeybo ka mid ah dalka oo ay biyo la’aanta ugu horeyso iyo sidii wax looga qaban lahaa dadka ay abaarta saameeysay.

Cabdullaahi Axmed Shirwac oo ah Guddoomiyaha ururada bulshada rayidka ayaa shacabka Soomaaliyeed ugu baaqay in ay roob doon sameeyaan.

Guddoomiye ku-xigeenka hay’adda culimada Soomaaliyeed Sheekh Nuur Baaruud Gurxan ayaa ugu baaqay dadka Soomaaliyeed meel walba oo ay joogaan in ay u gurmadaan dadka ay abaarta saameysay.

“Waxaann ugu baaqayaa dadka Soomaaliyeed gudaha jooga iyo qurba joogtaba in ay wax Allaale wixii ay u qaban karaan dadkaasi Soomaaliyeed u qabtaan’’ayuu yiri Sheekh Nuur.

Wasiiru dowlaha Wasaarada arrimaha Gudaha iyo Federaalka ee Soomaaliya Mudane Cabdirashiiid Maxamed Xidig ayaa ugu baaqay hay’adaha gudaha iyo kuwa caalamiga ah ee dalka ka howlgala in ay isugu yimaadaan shir deg deg ah si loogu gurmado dadka ay abaaraha saaameeyeen

“Hay’adha caalamiga iyo kuwa gudaha ee dalka joogaa in sodonka Maarso ay shir isugu yimaadaan oo la arko hay’ado iyo NGO oo diyaar u ah in ay dadka wax u qabtaan waxayna dalka u joogaan in ay dadka wax u qabtaan’’ayuu yiri Wasiiru-dowlaha arrimaha gudaha.

Wasiirka warfaafinta, dhaqanka iyo dalxiiska ee Soomaaliya Mudane Maxamed Cabdi Xayir Maareeye ayaa sheegay in guddigan ay ka hadleen sidii gurmad deg deg ah loo gaarsiin lahaa dadka ay abaarahan saameeyeen.

“Waxaan ka tashanay sidii dadka Soomaaliya iyo dowladuba ay ugu gurman lahaayeen dadka dhibaateysan iyo sidii dalka oo dhan meelaha ay abaaraha ka jiraan gurmad loo gaarsiin lahaa’’ayuu yiri Wasiirka Warfaafinta.

Wasiirka Maaliyada ee Xukuumadda Soomaaliya Mudane Maxamed Aadan Ibraahim ‘’Fargeeti’’ ayaa sheegay in dowlada Soomaaliya ay diyaarisay lacag dhan hal milyan oo doolar si wax loogu qabto dadka ay abaaraha saameeyeen.

‘Dowlada Soomaaliya waxa ay dadkaasi ugu talo gashay hal milyan oo dolar si dadka ay abaaruhu saameeyeen wax loogu qabto” ayuu hadalkiisa ku daray Wasiirka Maaliyadda.

Abaar saameysay dadka iyo duunyada ayaa waxa ay ka jirtaa qeybo ka mid ah gobolada dalka waxaana looga fadhiyaa dadka soomaaliyeed iyo dowladooda oo iska kaashanaya inay u gurmadaan dadka ay abaartu saameysay.

DSC00340 DSC00343 DSC00344 DSC00345 DSC00346 DSC00347 DSC00348 DSC00349 DSC00350 DSC00351 DSC00352 DSC00354 DSC00356 DSC00357 DSC00360 DSC00362 DSC00364 DSC00365 DSC00368 DSC00370 DSC00371 DSC00372 DSC00373 DSC00374 Sawir Qaade:- Farxaan Suleymaan Daahir

LEAVE A REPLY

Please enter your comment!
Please enter your name here