Bulshada ku nool Gaalkacyo oo si weyn usoo dhaweeyay kulanka Madaxweynihii hore ee Galmudug iyo Madaxda cusub ee Galmudug

Salaadiinta, Waxgaradka, dhallinnyarada iyo qeybaha kala duwan ee bulshada ku nool magaalada Gaalkacyo oo la hadlay Warbaahinta Qaranka ayaa si weyn u soo dhaweeyay kulanka magaalada Dhuusamareeb ku dhax maray Madaxweynihii hore ee Galmudug Axmed Ducaale Geelle Xaaf iyo Madaxda dowlad gobaleedka Galmudug oo uu horkacayo Madaxweynaha Galmudug Axmed Cabdi Kaariye Qoor Qoor, iyagoona tilmaamay in ay tahay talaabo loo qaaday dhanka horumarka iyo nidaamka dowladnimo ee dalka.

Ugu horeyna Suldaan Cabdinaasir Jaamac Seed oo ka mida waxgaradka iyo salaadiinta kaalinta weyn ka soo qaatay dhismaha dowlad gobaleedka Galmudug isla markaana ah Guddoomiyaha Guddiga Nabad gelayda Gobalka Mudug ee Puntland iyo Galmudug ayaa sheegay in la gaaray xiligii horumarka iyo higsiga, ayna soo dhaweeynayaan kulanka dhax maray madaxdii hore iyo Madaxda cusub ee Dowlad goboleedka Galmudug.

Sidoo kale qaar ka mida dhallinyarada Haweenka iyo Waxgaradka reer Galkacyo ayaa kulanka ku tuilmaamay guul uv soo hooyatay shacabka Galmudug.

 

LEAVE A REPLY

Please enter your comment!
Please enter your name here